| e-texts navigator |
| Wylie |
137b1 བྱང་ཆུབ་ཞུགས་པ་དམ་བཅས་སྲུང་བར་བྱེད།། མཁས་པ་དག་ནི་བརྫུན་དུ་སྨྲ་བ་མེད།། བདག་བརྫུན་གྱུར་ཏུ་འོང་སྟེ་ལྷག་བསམས་པས། དེ་ནས་དྲང་སྲོང་ཆེན་པོ་ལུས་འདོར་ཏེ།། དེ་ནས
137b2 ལྷག་པའི་བསམ་པས་དགར་གྱུར་ནས། ། སེམས་ཅན་རྣམས་ཀྱི་ཆེད་དུ་ལུས་བཏང་ངོ་།། དེ་ནས་བྱ་རྒོད་རྒྱལ་པོ་དེས་རྨད་དུ་བྱུང་བ་མཐོང་ནས། ནམ་མཁར་གནས་ཏེ་ཆེད་རྗོད་ཆེད་དུ་བརྗོད།།
137b3 གང་དག་གཞན་ཕྱིར་རང་གི་ལུས་འདོར་བ།། དེ་དག་འཚོ་བའི་འཇིག་རྟེན་འདིར་བདེར་འཚོ།། ཁོ་བོས་སྤྲེའུ་ཕྲུག་འདི་གཉིས་གཏང་བར་བྱ།། ཁྱོད་ཀྱང་འཚོ་ཞིང་རིང་དུ་ཆོས་སྤྱོད་ཅིག། བློ་གྲོས་རྒྱ་མཚོ་དེའི
137b4 ཚེ་དེའི་དུས་ན། རི་དགས་ཀྱི་རྒྱལ་པོ་སེང་གེར་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་སེམས་ན་དེ་ལྟར་མི་བལྟའོ།། དེ་ཅིའི་ཕྱིར་ཞེ་ན། བློ་གྲོས་རྒྱ་མཚོ་ང་ཉིད་དེའི་ཚེ་དེའི་དུས་ན། རི་དགས་ཀྱི་རྒྱལ་པོ
137b5 སེང་གེར་གྱུར་ཏོ། ། འོད་སྲུང་ཆེན་པོ་ནི་སྤྲེའུ་རུ་གྱུར་ཏོ།། སེར་སྐྱ་བཟང་མོ་ནི་སྤྲེའུ་མོར་གྱུར་ཏོ།། སྒྲ་གཅན་ཟིན་དང་ཀུན་དགའ་བོ་ནི་སྤྲེ་ཕྲུག་ཏུ་གྱུར་ཏོ།། དགེ་སློང་འཕྲེང་བ་བཟང་པོ་ནི་དེའི་ཚེ་དེའི
137b6 དུས་ན། བྱ་རྒོད་ཀྱི་རྒྱལ་པོ་སྤུ་གྲི་པ་ཞེས་བྱ་བར་གྱུར་ཏོ།། བློ་གྲོས་རྒྱ་མཚོ་དེ་ལྟར་ན། བྱང་ཆུབ་སེམས་དཔའ་རྣམས་ཀྱིས་ལུས་ནི་ཡོངས་སུ་བཏང་བར་བྱའི། སྐྱབས་སུ་དོང་བ་དག་ནི་ཡོངས་སུ་བཏང
137b7 བར་མི་བྱསྟེ། ཇི་སྐད་སྨྲས་པ་དེ་བཞིན་དུ་བསྒྲུབ་པར་བྱའོ།། དེ་ལ་ཇི་སྐད་སྨྲས་པ་དེ་བཞིན་བྱེད་པ་གང་ཞེ་ན། བློ་གྲོས་རྒྱ་མཚོ་བྱང་ཆུབ་སེམས་དཔའ་སྦྱིན་པ་སྨྲ་བ་ནི་ཇི་སྐད་སྨྲ་བ་སྟེ། གང་གི་ཚེ་འདོག
iiif viewer powered by OpenSeadragon
