| e-texts navigator |
| Wylie |
135a1 མེད་པའི་ཡུལ་ལོ། ། མཚན་མ་མེད་པའི་ཡུལ་ནི།། སེམས་ཅན་ཐམས་ཅད་ཀྱི་ཡུལ་ལོ།། སེམས་ཅན་ཐམས་ཅད་ཀྱང་མཚན་མ་མེད་པའི་ཡུལ་ཏེ། སངས་རྒྱས་ཀྱི་ཡུལ
135a2 ལོ། ། དེ་བཞིན་དུ་མིག་གི་ཡུལ་ནི་སྨོན་པ་མེད་པའི་ཡུལ་ལོ།། མངོན་པར་འདུ་བྱ་བ་མེད་པའི་ཡུལ་ལོ།། མ་སྐྱེས་པ་དང་། མ་བྱུང་བའི་ཡུལ་ལོ།། མ་བྱུང་བའི་ཡུལ་ནི་སེམས་ཅན་ཐམས་ཅད་ཀྱི།
135a3 ཡུལ་ལོ།། སེམས་ཅན་ཐམས་ཅད་ཀྱང་མ་བྱུང་བའི་ཡུལ་ཏེ། སངས་རྒྱས་ཀྱི་ཡུལ་ལོ།། དེ་བཞིན་དུ་ཡིད་ཀྱི་བར་གྱི་ཡུལ་དང་སྦྱར་རོ།། བློ་གྲོས་རྒྱ་མཚོ་དེ་ལྟར་དགེ་སློང་ཡུལ་ཤིན་ཏུ་རྣམ་པར་དག་པ
135a4 ཡུལ་ལ་འཇུག་པ་འདིས། ལུས་དང་སེམས་ལས་སུ་རུང་སྟེ། འདུན་པ་དང་། བརྩོན་འགྲུས་དང་། སེམས་དང་སྤྱོད་པའི་རྫུ་འཕྲུལ་གྱི་རྐང་པ་བསྒོམས་པས་རིང་པོ་མ་ཐོགས་པར་མངོན་པར་ཤེས
135a5 པ་ལྔ་བསྐྱེད་པར་གྱུར་ཏོ། ། བག་ཡོད་པའི་སྤྱོད་པ་དེས་ཀྱང་དོན་དང་། ངེས་པའི་ཚིག་ཐམས་ཅད་སྡུད་པ་ཞེས་བྱ་བའི་གཟུངས་རབ་ཏུ་ཐོབ་བོ།། བློ་གྲོས་རྒྱ་མཚོ་དེའི་ཚེ་དེའི་དུས་ན། གང་འཁོར་ལོས
135a6 སྒྱུར་བའི་རྒྱལ་སྲིད་འབྱོར་པ་སྤངས་ཏེ། བཅོམ་ལྡན་འདས་དེའི་བསྟན་པ་ལ་རབ་ཏུ་བྱུང་ནས་ཡུལ་ཤིན་ཏུ་རྣམ་པར་དག་པ་ཞེས་བྱ་བའི་དགེ་སློང་དུ་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་དོགས་ཤིང་ཡིད
135a7 གཉིས་སུ་གྱུར་ཏམ། ཐེ་ཙོམ་ཟན་ཁྱོད་ཀྱིས་དེ་ལྟར་མི་བལྟའོ།། དེ་ཅིའི་ཕྱིར་ཞེ་ན། བློ་གྲོས་རྒྱ་མཚོ་ཁྱོད་ཉིད་དེའི་ཚེ་དེའི་དུས་ན་དགེ་སློང་ཡུལ་ཤིན་ཏུ་རྣམ་པར་དག་པ་ཞེས་བྱ་བར་གྱུར་ཏོ།། བློ་གྲོས
iiif viewer powered by OpenSeadragon
