| e-texts navigator |
| Wylie |
131b1 དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན། རྒྱང་རིང་དུ་ཡང་ལྟ་ཞིང་རྩ་བ་ཡང་མ་ཆད་པ་རྣམས་ཡིན་ནོ།། རྒྱལ་པོ་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང
131b2 ལྡན་ན། ཡུལ་ཡང་འབྱོར་ལ། བག་ཡོད་པ་ཡང་མི་འདོར་བ་རྣམས་ཡིན་ནོ།། བཞི་གང་ཞེ་ན། མི་ཡོངས་སུ་སྨིན་པར་བྱ་བའི་ཕྱིར། འཁོར་ལོས་སྒྱུར་བའི་རྒྱལ་པོར་ཡང་འགྱུར་ལ། འདྲ
131b3 བྱེད་ལ་མི་རྟག་པར་སོ་སོར་རྟོག་པས་ཡུལ་འབྱོར་ཀྱང་བག་མེད་པར་མི་འགྱུར་བ་རྣམས་ཡིན། ལྷ་ཡོངས་སུ་སྨིན་པར་བྱ་བའི་ཕྱིར། ལྷ་རྣམས་ཀྱི་དབང་པོ་བརྒྱ་བྱིན་དུ་ཡང་འགྱུར་ལ། འདུ་བྱེད་ལ
131b4 སྡུག་བསྔལ་བར་སོ་སོར་རྟོག་པས་ཡུལ་འབྱོར་ཀྱང་བག་མེད་པར་མི་འགྱུར་བ་རྣམས་ཡིན། བདུད་ཀྱི་རིས་ཀྱིས་ལྷ་ཡོངས་སུ་སྨིན་པར་བྱ་བའི་ཕྱིར། བདུད་ཉིད་དུ་ཉེ་བར་སྟོན་ལ། ཆོས་ལ་བདག
131b5 མེད་པར་སོ་སོར་རྟོག་པས་ཡུལ་འབྱོར་ཀྱང་། བག་ཡོད་པར་མི་འགྱུར་བ་རྣམས་ཡིན། ཚངས་རིས་ཀྱི་ལྷ་ཡོངས་སུ་སྨིན་པར་བྱ་བའི་ཕྱིར། ཚངས་པ་དབང་སྒྱུར་དུ་ཡང་གྱུར་ལ། མྱ་ངན་ལས
131b6 འདས་པ་ལ་ཞི་བར་རྟོག་པས། ཡུལ་འབྱོར་ཀྱང་། བག་མེད་པར་མི་འགྱུར་བ་རྣམས་ཡིན་ཏེ། རྒྱལ་པོ་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན།
131b7 ཡུལ་ཡང་འབྱོར་ལ། བག་ཡོད་པ་ཡང་མི་འདོར་བ་རྣམས་ཡིན་ནོ།། རྒྱལ་པོ་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། དོན་ཟབ་མོའི་ཚུལ་ལ་མི་སྐྲག་པ་རྣམས
iiif viewer powered by OpenSeadragon
