| e-texts navigator |
| Wylie |
128a1 ཡོད་དོ། ། གླིང་རེ་རེའི་ཚད་ཀྱང་དཔག་ཚད་བརྒྱ་སྟོང་ཕྲག་བཅུ་རྩ་བཞི་ཡོད་དོ།། དཔག་ཚད་བརྒྱ་སྟོང་ཕྲག་བརྒྱད་བཅུ་རྩ་བཞི་རེ་རེ་ལ་ཡང་གྲོང་ཁྱེར་བརྒྱད་ཁྲི་བཞི་སྟོང་ཡོད་པར་གྱུར་ཏོ།།
128a2 གྲོང་ཁྱེར་རེ་རེ་ཡང་གྲོང་དང་། ཚོང་དུས་དང་། འོར་གྱི་གྲོང་བརྒྱད་ཁྲི་བཞི་སྟོང་གིས་ཀུན་ནས་བསྐོར་བར་གྱུར་ཏོ།། གྲོང་ཁྱེར་དེ་དག་ཐམས་ཅད་ན་ཡང་སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུ་བཅུ
128a3 ཡོད་པར་གྱུར་ཏོ། ། གྲོང་དང་། ཚོང་འདུས་དང་། འོར་གྱི་གྲོང་དེ་དག་ཐམས་ཅད་ན་ཡང་མིའི་སྐྱེ་དགུའི་སྲོག་ཆགས་བྱེ་བ་ཕྲག་བརྒྱད་བརྒྱད་གནས་པར་གྱུར་ཏོ།། དབང་ཆེ་བ་དབང་ཆེ་བར་གྲགས་པའི
128a4 མི་རྣམས་ལྟ་སྨོས་ཀྱང་ཅི་དགོས་ཏེ། དེ་ལྟར་འཇིག་རྟེན་གྱི་ཁམས་དེ་རྒྱས་པར་གྱུར་ཏོ།། འཇིག་རྟེན་གྱི་ཁམས་དེ་ནི་གསེར་དང་དངུལ་དང་། ཤེལ་དང་། བཻ་ཌཱུཪྻ་དང་། རིན་པོ་ཆེ་སྣ་བཞི་ལས་གྲུབ
128a5 པར་གྱུར་ཏོ། ། དེ་ན་བཟའ་བ་དང་། བཏུང་བ་དང་། གོས་དང་། རྒྱན་དང་། ཡོངས་སུ་སྤྱད་པ་དག་བསམས་པ་ཙམ་གྱིས་འབྱོར་ཏོ།། ལྷ་དང་མི་དེ་དག་ཀྱང་ངའི་བ་མེད་ཅིང་ཡོངས་སུ་འཛིན་པ
128a6 མེད་པར་གྱུར་ཏོ། ། བཅོམ་ལྡན་འདས་དེ་བཞིན་གཤེགས་པ་འོད་གཟེར་སྣང་བ་མཐའ་ཡས་དེའི་ཚེའི་ཚད་ནི་བར་གྱི་བསྐལ་པ་བཅུ་ཐུབ་པར་གྱུར་ཏོ།། དེའི་ཉན་ཐོས་ཀྱི་དགེ་འདུན་ཆེན་པོ་ནི། ཉན་ཐོས་བྱེ་བ
128a7 བརྒྱ་སྟོང་ཕྲག་སུམ་ཅུ་རྩ་དྲུག་ཡོད་དོ། ། བྱང་ཆུབ་སེམས་དཔའི་འདུས་པ་ཆེན་པོ་ནི་བྱང་ཆུབ་སེམས་དཔའ་བྱེ་བ་བརྒྱ་ཕྲག་བཅུ་གཉིས་སུ་ཡོད་དོ།། རྒྱལ་པོའི་ཕོ་བྲང་གྲོང་ཁྱེར་ཤིན་ཏུ་རྣམ་པར་དག་པ
iiif viewer powered by OpenSeadragon
