| e-texts navigator |
| Wylie |
126a1 རྣམས་ཡོངས་སུ་བསྔོ་བ་དེས་ཡོངས་སུ་འཛིན་ཅིང་། ཡང་དག་པར་འཇུག་པའོ།། ཤེས་རབ་དག་པ་ནི་གང་། གཟུངས་ཀྱི་ཕྱག་རྒྱས་བཏབ་ནས། སངས་རྒྱས་ཐམས་ཅད
126a2 ཀྱིས་གསུངས་པ་ཀུན་ཏུ་འཛིན་ཅིང་ཆུད་མི་ཟ་བར་བྱེད་པའོ། ། ཐབས་དག་པ་ནི་གང་སྤོབས་པ་རྒྱུན་མི་འཆད་པ་དང་། སྤོབས་པ་ཆགས་པ་མེད་པ་དང་། ཆོས་བསྟན་པ་དོན་ཡོད་པས་ལེགས་པར་བཤད
126a3 པས་སེམས་ཅན་ཐམས་ཅད་ཡང་དག་པར་ཚིམ་པར་བྱེད་པའོ། ། བློ་གྲོས་རྒྱ་མཚོ་གཞན་ཡང་དགེ་བའི་རྩ་བ་དག་པ་ནི་གང་། ཚེ་རབས་ཚེ་རབས་དག་ཏུ་བྱང་ཆུབ་ཀྱི་སེམས་མི་བརྗེད་པའོ།།
126a4 ཡོངས་སུ་བསྔོ་བ་དག་པ་ནི་གང་བྱང་ཆུབ་ཀྱི་སེམས་མ་བརྗེད་པར། དགེ་བའི་རྩ་བ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོའོ།། ཤེས་རབ་དག་པ་ནི་གང་། མི་གནས་པའི་དགེ་བའི་རྩ་བ་དེ་བྱང
126a5 ཆུབ་ཀྱི་སེམས་སུ་ཤེས་པའོ། ། ཐབས་དག་པ་ནི་བྱང་ཆུབ་ཀྱི་སེམས་མཉམ་པ་ཉིད་ཕ་རོལ་ཁོང་དུ་ཆུད་པར་བྱ་བའི་ཕྱིར་ཡང་དག་པར་འཛིན་ཏུ་འཇུག་པའོ།། དེ་ནས་བཅོམ་ལྡན་འདས
126a6 ལ་བྱང་ཆུབ་སེམས་དཔའ་བློ་གྲོས་རྒྱ་མཚོས་འདི་སྐད་ཅེས་གསོལ་ཏོ། ། བཅོམ་ལྡན་འདས་ཀྱིས་གསུངས་པའི་དོན་ཇི་ལྟར་བདག་གིས་འཚལ་བ་ལྟར་ན། བཅོམ་ལྡན་འདས་བ་དག་འདི་སྙམ་དུ་བགྱིད་དོ།།
126a7 བྱང་ཆུབ་སེམས་དཔའ་ཐབས་ལ་མཁས་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་རྣམས་ཀྱི་བྱང་ཆུབ་ནི་ཀུན་ཏུ་འགྲོ་བ་སྟེ། བཅོམ་ལྡན་འདས་དེ་དག་གི་བྱང་ཆུབ་མ་ལགས་པའི
iiif viewer powered by OpenSeadragon
