| e-texts navigator |
| Wylie |
125b1 བའི་རྩ་བ་དེ་དག་སོགས་པའོ། ། ཡོངས་སུ་བསྔོ་བ་དག་པ་ནི་གང་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་ཡོངས་སུ་འདྲིས་པར་དགེ་བའི་རྩ་བ་དེ་དག་བྱང་ཆུབ་ཏུ་ཡོངས་སུ་བསྔོ་བའོ།།
125b2 ཤེས་རབ་དག་པ་ནི་གང་སེམས་ཅན་ཐམས་ཅད་ཀྱི་དབང་པོ་མཆོག་དང་། མཆོག་མ་ཡིན་པ་ཤེས་པའི་ཡེ་ཤེས་སོ།། ཐབས་དག་པ་ནི་གང་སེམས་ཅན་ཐམས་ཅད་ལ་སོ་སོ་ཅི་རིགས་པར་ཆོས་སྟོན་པ་ལ
125b3 མཁས་པའོ། ། བློ་གྲོས་རྒྱ་མཚོ་གཞན་ཡང་དགེ་བའི་རྩ་བ་དག་པ་ནི་གང་སྲིད་པར་འགྲོ་བའི་སྐྱེ་བ་ཐམས་ཅད་ལ་མི་གནས་པར་དགེ་བའི་རྩ་བ་དེ་དག་སོགས་པའོ།། ཡོངས་སུ་བསྔོ་བ་དག་པ་ནི་གང
125b4 ཐེག་པ་ཐམས་ཅད་ལ་ཡང་དག་པར་གཞོལ་བས། ཉན་ཐོས་དང་། རང་སངས་རྒྱས་ཐམས་ཅད་ཀྱི་ཡིད་ལ་བྱེད་པ་དང་བྲལ་བར་དགེ་བའི་རྩ་བ་དེ་དག་ཐེག་པ་ཆེན་པོར་ཡོངས་སུ་བསྔོ་བའོ།། ཤེས་རབ
125b5 དག་པ་ནི་གང་། བག་ཆགས་ཀྱི་མཚམས་སྦྱོར་བར་གྱུར་པའི་ཉོན་མོངས་པ་ཐམས་ཅད་ཡང་དག་པར་འཇོམས་པའོ།། ཐབས་དག་པ་ནི་སེམས་ཅན་གང་དག་ཡོངས་སུ་སྨིན་པར་བྱེད་པ་དེ་དག་དོན
125b6 འཐུན་པས་ཐེག་པ་ཆེན་པོ་ཡང་དག་པར་འཛིན་ཏུ་འཇུག་པའོ། ། གཞན་ཡང་དགེ་བའི་རྩ་བ་དག་པ་ནི། འདི་ལྟ་སྟེ། ལོངས་སྤྱོད་མི་ཟད་པ་དང་། ལག་ན་རིན་པོ་ཆེའོ།། ཡོངས་སུ་བསྔོ་བ་དག་པ་ནི
125b7 གང་སེམས་ཅན་ཐམས་ཅད་དང་། ཐོབ་པ་དང་། མི་སློབ་པ་དང་། རང་སངས་རྒྱས་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་དང་། སངས་རྒྱས་ཐམས་ཅད་ཀྱི་དགེ་བའི་རྩ་བ
iiif viewer powered by OpenSeadragon
