| e-texts navigator |
| Wylie |
111a1 ཕྱག་རྒྱའི་ཚིག་འདི་ཉིད་དུ་འདུས་ཏེ་རྗེས་སུ་ཞུགས་སོ། ། བློ་གྲོས་རྒྱ་མཚོ་དེ་ལ་རྡོ་རྗེའི་ཆོག་དེ་དག་གང་ཞེན། འདི་ལྟ་སྟེ། རང་བཞིན་གྱིས་འདྲེས་པ་མེད་པའི།
111a2 ཕྱིར། འཇིག་ཚོགས་ནི་རྡོ་རྗེའི་ཚིག་སྟེ། རྡོ་རྗེའི་ཆོ་ག་འདི་ནི་ལྟ་བ་ཐམས་ཅད་ངེས་པར་རྟོག་པར་འགྱུར་རོ།། རིག་པ་ལ་འཇུག་པའི་ཕྱིར། མ་རིག་པ་ནི་རྡོ་རྗེའི་ཚི་ག་སྟེ། རྡོ་རྗེའི་ཚིག་འདི་ནི་ལྷག
111a3 པར་དམིགས་པའི་དངོས་པོ་ཡོངས་སུ་ཤེས་པར་འགྱུར་རོ། ། མངོན་པར་འདུ་བྱ་བ་མེད་པ་དང་། མཉམ་པ་ཉིད་ཀྱི་ཕྱིར་མཚམས་མེད་པའི་མཐའ་ནི་རྡོ་རྗེའི་ཚིག་སྟེ། རྡོ་རྗེའི་ཚིག་འདི་ནི་མངོན་པར།
111a4 འདུ་བྱེད་པ་ཐམས་ཅད་ཡོངས་སུ་ཤེས་པར་འགྱུར་བའོ།། འདོད་ཆགས་དང་བྲལ་བའི་མཐའ་དང་མཉམ་པ་ཉིད་ཀྱི་ཕྱིར། འདོད་ཆགས་ཀྱི་མཐའ་ནི་རྡོ་རྗེའི་ཆོག་སྟེ། རྡོ་རྗེའི་ཚིག་འདི་ནི་འདོད་ཆགས
111a5 དང་བྲལ་བར་འགྱུར་བའོ། ། བྱམས་པའི་མཐའ་དང་མཉམ་པ་ཉིད་ཀྱི་ཕྱིར། ཞེ་སྡང་གི་མཐའ་ནི་རྡོ་རྗེའི་ཚིག་སྟེ། རྡོ་རྗེའི་ཚིག་འདི་ནི་ཞེ་སྡང་ཐམས་ཅད་ཡང་དག་པར་འཇོམས་པར་འགྱུར་བའོ།། ཤེས
111a6 རབ་ཀྱི་སྣང་བ་དང་མཉམ་པ་ཉིད་ཀྱི་ཕྱིར། གཏི་མུག་གི་མཐའ་ནི་རྡོ་རྗེའི་ཆོ་ག་སྟེ། རྡོ་རྗེའི་ཚིག་འདི་ནི་མུན་པ་མེད་ཅིང་སྣང་བར་འགྱུར་བའོ།། སེམས་ཅན་ཐམས་ཅད་མཉམ་པ་ཉིད་ལ་འཇུག་པའི་ཕྱིར།
111a7 སེམས་ཅན་ཐམས་ཅད་སེམས་ཅན་གཅིག་པ་འདི་ནི་རྡོ་རྗེའི་ཚིག་སྟེ། རྡོ་རྗེའི་ཚིག་འདི་ནི་སེམས་ཅན་ཐམས་ཅད་ཀྱི་ངོ་བོ་ཉིད་ཀྱི་རྗེས་སུ་རྟོགས་པར་འགྱུར་བའོ།། སེམས་ཅན་ཐམས་ཅད་ཀྱི་སེམས
iiif viewer powered by OpenSeadragon
