| e-texts navigator |
| Wylie |
109a1 ཆོས་རྣམས་ཀྱི་ཕུང་པོ་ཐམས་ཅད་སོ་སོར་འདོར་བསྟོན་ཏོ།། བློ་གྲོས་རྒྱ་མཚོ་སྒོའི་ཚིག་འདི་དག་ནི། རང་གི་སེམས་ཡོངས་སུ་དག་པར་འགྱུར་བའོ།། སེམས་ཅན་གཞན་དག
109a2 དང་གང་ཟག་གཞན་རྣམས་ཀྱི་དབང་པོ་མཆོག་དང་མཆོག་མ་ཡིན་པ་ཤེས་པར་འགྱུར་བའོ། ། བློ་གྲོས་རྒྱ་མཚོ་ཕྱག་རྒྱའི་ཆོ་ག་དེ་དག་གང་ཞེ་ན། འདི་ལྟ་སྟེ། བློ་གྲོས་རྒྱ་མཚོ་ཆོས
109a3 ཐམས་ཅད་ནི་རྣམ་པར་གྲོལ་བའི་ཕྱག་རྒྱས་བཏབ་པ་སྟེ། གཉིས་སུ་མེད་ཅིང་གཉིས་ཡོངས་སུ་དག་པའོ།། བློ་གྲོས་རྒྱ་མཚོ་ཆོས་ཐམས་ཅད་ནི་མཐའ་དང་། མཐའ་ཡས་པ་དང་། མཐའ་མེད་པ
109a4 ལས་རྣམ་པར་གྲོལ་བའི་ཕྱག་རྒྱས་བཏབ་པ་སྟེ། ཆད་པ་དང་རྟག་པ་ཡོངས་སུ་དག་པའོ།། བློ་གྲོས་རྒྱ་མཚོ་ཆོས་ཐམས་ཅད་ནི་ཟད་པ་དང་། འདོད་ཆགས་དང་བྲལ་བའི་ཕྱག་རྒྱས་བཏབ་པ་སྟེ། ཟད
109a5 པབའི་སྒོ་ཟད་པའི་མཐའ། ཟད་པའི་མུར་ཐུག་པའོ།། བློ་གྲོས་རྒྱ་མཚོ་ཆོས་ཐམས་ཅད་ནི།། གདེག་པ་མེད་ཅིང་གཞག་པ་མེད་པའི་ཕྱག་རྒྱས་བཏབ་པ་སྟེ། མཉམ་པ་ཉིད་ཀྱི་མཐའ་ཡོངས་སུ
109a6 དག་པའོ། ། བློ་གྲོས་རྒྱ་མཚོ་ཆོས་ཐམས་ཅད་ནི་ནམ་མཁའི་ཕྱག་རྒྱས་བཏབ་པ་སྟེ། མི་ལྔའི་ལམ་ལས་ཤིན་ཏུ་འདས་པའོ།། བློ་གྲོས་རྒྱ་མཚོ་ཆོས་ཐམས་ཅད་ནི་ཆོས་ཀྱི་དབྱིངས་དང་། ནམ་མཁའི
109a7 དབྱིངས་ཀྱི་ཕྱིར། ནམ་མཁའི་དཀྱིལ་ཕྱག་རྒྱས་བཏང་བའོ།། བྲེ་གྲོས་རྒྱ་མཚོ་ཆོས་ཐམས་ཅད་ནི་ཆོས་ཀྱི་དབྱིངས་སུ་ཡང་དག་པར་འདུ་བའི་ཕྱིར། འདྲེས་པ་མེད་པའི་ཕྱག་རྒྱས་བཏབ་པའོ།།
iiif viewer powered by OpenSeadragon
