| e-texts navigator |
| Wylie |
107a1 དེ་ནི་བདག་དང་སེམས་ཅན་ཆོས་རྣམས་མི་དམིགས་ཏེ། ལྟ་བ་ཡོངས་དག་ཤེས་རབ་ལྡན་ཞིང་སེམས་ཀྱང་འདུལ།། ཐེག་པ་མཆོག་གནས་ཤེས་རབ་དག་པ་འདི་འདྲའོ།། གང་ཡང་།
107a2 བདེན་དང་ཚད་མེད་པ་དང་བསམ་གཏན་བཞི།། མངོན་ཤེས་ལྔ་དང་སངས་རྒྱས་ཀྱི་ནི་ཡང་དག་རིག། རྟོན་པ་བཞི་དང་ཆོས་ཀྱི་སྦྱིན་པ་དམ་པ་རྣམས།། ཐམས་ཅད་སངས་རྒྱས་ཐེག་པ་དམ་པ་འདི་ལས
107a3 བྱུང་། གང་གིས་མི་དབང་སངས་རྒྱས་སེང་གེའི་སྒྲ་སྒྲོག་པ། སྟོབས་བཅུའི་སངས་རྒྱས་ཆོས་རྣམས་མཐའ་ཡས་གང་ཡིན་དང་།། སྨིན་མཚམས་སྤུ་དང་སྤྱི་གཙུག་བལྟར་ནི་མི་མཐོང་བ།། ཐེག་པ
107a4 མཆོག་ལ་གནས་པས་རྙེད་པར་དཀའ་མ་ཡིན། ། གང་གིས་འགྲོ་བ་འདུལ་ཞིང་བསམ་པ་ཚིམ་བྱེད་པ།། རྒྱལ་བ་རྣམས་ཀྱི་ཆོ་འཕྲུལ་ཁྱད་འཕགས་གསུམ་གང་དང་།། ཐུབ་པའི་བསྟན་པ་གཞར་ཡང་དོན
107a5 མེད་མི་འགྱུར་བ། ། དེ་དག་ཐེག་པ་མཆོག་ལ་གནས་ནས་མྱུར་དུ་འཐོབ།། འཇིག་རྟེན་ཀུན་ན་སྐད་ཅིག་རྣམ་པ་ཇི་སྙེད་པ།། ཐམས་ཅད་སྟོབས་བཅུའི་གསུང་ནི་འཁྲུལ་པ་མེད་པ་དང་།། མཉེན་འཇམ་ཡིད
107a6 འོད་དོན་ལྡན་ཁན་མ་ཐོ་མེད། ། ཚངས་དང་མི་ཙོའི་དབྱངས་གསུང་རྒྱ་ཆེན་པོ་ཡིས་ཚིམ།། དེ་འདྲའི་སངས་རྒྱས་གསུང་ནི་མི་རིང་ཐོབ་འགྱུར་ཏེ།། ནམ་མཁའི་དཀྱིལ་ཚད་སངས་རྒྱས་ཞིང་རྣམས་གོ་བར་བྱེད།
107a7 ཇི་སྐད་ཅིག་གིས་ཆོས་དོན་ལྡན་པའི་ཆོག་ཐོས་པ།། ཀུན་གྱིས་ཉོན་མོངས་ཐམས་ཅད་བསལ་ནས་བདེ་བར་འགྱུར།། རྫུ་འཕྲུལ་སྟོབས་ཀྱིས་ནམ་མཁའི་མཐའ་མར་བགྲོད་པར་ནུས།། ཕྱོགས་བཅུ་རྣམས་ཀྱི
iiif viewer powered by OpenSeadragon
