| e-texts navigator |
| Wylie |
106a1 བདག་ཉིད་ཆེན་པོ་གང་། ། བརྩོན་འགྲུས་སྟོབས་ལྡན་རྟག་ཏུ་སེམས་ཅན་དོན་བརྩོན་ལ།། སྙིང་རྗེ་ཆེ་དང་ལྡན་ཞིང་བསམ་པ་དག་གྱུར་པ།། དེ་དག་རབ་ཏུ་དགའ་བའི་སེམས་ཀྱིས
106a2 ཐེག་མཆོག་ཞོན། ། ཐེག་པ་མཆོག་རབ་གྱ་ནོམ་གཙོ་བོ་འདིར་གནས་ཏེ།། འཇིག་རྟེན་ཀུན་གྱི་སྤྱོད་པ་མཐའ་ཡས་ཇི་སྙེད་དང་།། དབང་པོ་ཐ་མ་འབྲིང་དང་རབ་དང་བསམ་པ་རྣམས།། སྤྱོད་ཀུན་བྱང་ཆུབ
106a3 སེམས་དཔའ་སྐད་ཅིག་ཙམ་ལ་ཤེས། ། རླབས་པོ་ཆེ་མི་ཐེག་པ་མཆོག་འདིར་གནས་ནས་ནི།། དེ་ཡི་ལུས་ཀྱི་ཡན་ལག་མཚན་གྱིས་བརྒྱན་པར་འགྱུར།། ཚིག་སྙན་ཡིད་དུ་འོང་ཞིང་འཇོག་རྟེན་ཀུན
106a4 ཚིམ་བྱེད། ། སེམས་ཡིད་རྣམ་དག་བསམ་གཏན་མངོན་ཤེས་ལྡན་པར་འགྱུར།། འདི་ལས་རྒྱལ་བ་རྣམས་ཀྱིས་སངས་རྒྱས་ཚུལ་མི་འཆད།། འདི་ལས་ཆོས་ཚུལ་གྱ་ནོམ་ཚུལ་ཡང་རབ་ཏུ་འབར།།
106a5 འདི་ལས་འགྲོ་བའི་སྦྱིན་གནས་དགེ་འདུན་འབྱུང་བར་འགྱུར།། དེས་ན་སངས་རྒྱས་ཐེག་འདི་འཇིག་རྟེན་གསུམ་དུ་གྲགས།། ཐེག་པ་འདི་ནི་སྟོང་པའི་ཞིང་དུ་མི་འགྲོ་སྟེ།། རྒྱལ་བ་རྣམས་ཀྱིས་འདི་ནི་སྐད
106a6 ཅིག་མི་སྣང་འགྲོ། ། ཕྱོགས་བཅུར་སོང་ཡང་ཡོངས་སུ་མི་སྐྱོ་འགྲིབ་པ་མེད།། མཚུངས་པ་མེད་པའི་ཐེག་པའི་ཆོ་འཕྲུལ་ཅི་འདྲ་ལྟོས།། འཇིག་རྟེན་ཀུན་ཏུ་བསྐོར་ཀྱང་གང་ཞིག་དེ་འདྲ་འམ།། དེ་ལས་ལྷག།
106a7 པར་འགྱུར་བའི་སེམས་ཅན་དེ་མི་རྙེད།། བྱང་ཆུབ་སེམས་དཔའ་ཆེ་ཉིད་འགྲོ་བའི་དཔའ་བོ་གཅིག། ཐེག་པ་མཆོག་ལ་གནས་ནས་བདུད་སྡེ་སྐྲག་པར་བྱེད།། ཐེག་པ་མཆོག་ལ་གནས་ནས་གཟུགས་དང
iiif viewer powered by OpenSeadragon
