| e-texts navigator |
| Wylie |
105b1 གྱུར། རྡུལ་དང་མུན་པ་བསལ་ནས་སྲིད་པ་གསུམ་ན་མཛེས།། བརྒྱ་བྱིན་དང་ནི་ཚངས་པས་སྤྱི་བོས་ཕྱག་བྱས་ཏེ།། ལེགས་སོ་མཚུངས་མེད་ཐེག་འདིར་ཀུན་གྱིས་གཞོན་པར་བགྱི།། ཕ་རོལ
105b2 ཕྱིན་པ་གང་དག་སྦྱིན་ཚུལ་བཟོད་པ་དང་། ། བརྩོན་འགྲུས་བསམ་གཏན་ཤེས་རབ་ཡེ་ཤེས་མངོན་པར་ཤེས།། དེ་བཞིན་ཐབས་དང་བསྡུ་བ་པ་སྙིང་པོ་ལྡན་པ་སྟེ།། བདུད་རྣམས་བརྒྱ་སྟོང་གིས
105b3 ཀྱང་གདུལ་ཕྱིར་ཐུབ་པ་མེད། ། སེམས་ཅན་གང་དག་ཚུལ་ངན་སྡིག་ལས་བརྩོན་པ་དང་། བྱང་ཆུབ་སེམས་དཔའ་གང་དག་ཡོན་ཏན་བརྒྱས་འཕགས་དང་། གང་དག་བྱང་ཆུབ་སེམས་ཀྱི་སེམས
105b4 རྒྱ་ཆེར་གྱུར་པ། ཀུན་ཀྱང་ཐེག་པ་མཆོག་ལ་ཞུགས་ནས་མཉམ་པར་མཐོང་། གང་དག་སྣ་ཚོགས་བསྔགས་དང་འཇིག་རྟེན་དོན་ལྡན་དང་། གང་དག་དགེ་ཆོས་ཡང་དག་འཇིག་རྟེན་འདས་གྱུར་པ།།
105b5 སློབ་དང་མི་སློབ་གང་དག་རང་རྒྱལ་རྣམས་ཀྱི་དང་། སྒོ་དེར་སངས་རྒྱས་ཐེག་པ་ཆེན་པོའི་བདག་ཉིད་ཞུགས།། གང་དག་ཉོན་མོངས་རྣམ་མང་སྣ་ཚོགས་སེམས་ལྡན་དང་། སྡུག་བསྔལ་སེམས་ཅན་གང
105b6 དག་འདུས་བྱས་འཁོར་གྱུར་པ། དེ་དག་ཤིན་ཏུ་རབ་ཏུ་ཞི་བར་བྱེད་ཅིང་འགྲོ།། བྱང་ཆུབ་སེམས་དཔའ་ཐེག་པ་མཆོག་ལ་གནས་ནས་སྟོན།། ལེ་ལོ་ཅན་གྱི་མི་གང་ཉམ་ཉུང་མཐུ་ཞན་ལ། སེམས་ཅན
105b7 སྡུག་བསྔལ་ཟད་པར་བྱ་ཕྱིར་སེམས་མི་སྐྱེད། ། བདག་བདེ་ཚོལ་གྱི་སེམས་ཅན་དོན་ལ་མི་བརྩོན་པ།། དེ་དག་ཐེག་པ་མཆོག་ཐོས་ནས་ནི་སེམས་སྐྲག་འགྱུར།། བྱང་ཆུབ་སེམས་དཔའ་མཁས་གསལ
iiif viewer powered by OpenSeadragon
