| e-texts navigator |
| Wylie |
105a1 བརྗོད། ། ཚུལ་ཁྲིམས་ཀྱིས་ནི་སྡིག་བསལ་ལུས་དང་ངག་སེམས་དག། སྲིད་པ་ཐམས་ཅད་བོར་ནས་བྱང་ཆུབ་སྙིང་པོར་འགྲོ།། མཉམ་ཞིང་རྗེས་སུ་མཉམ་སེམས་སེམས།
105a2 ཅན་ཀུན་སྐབས་འབྱེད།། དེ་ལས་གཞན་པའི་ཐེག་དམན་ཇི་སྙེད་ཟིལ་གྱིས་གནོན།། གང་དག་རྫུ་འཕྲུལ་རྐང་གིས་རི་ར་བ་རྒྱལ་མཚན་མཐོ།། ཐེག་པ་ཆེན་པོར་འགྲོ་ཞིང་སེམས་ཅན་ཚིམ་པར་བྱེད།།
105a3 ཐོས་དང་འདུལ་བར་ལྡན་ཞིང་བསམ་གཏན་ཚུལ་ཁྲིམས་ལྡན།། བཟོད་སྟོབས་རབ་ཏུ་ཐོབ་ཅིང་ཤེས་རབ་དབང་བསྐུར་བ།། ཕ་རོལ་ཚོགས་རྣམས་བཅོམ་ཞིང་བདུད་ཀྱི་སྡེ་སྤངས་ནས།། ཆགས་མེད
105a4 ཐེག་པ་ཆེ་དང་བྱང་ཆུབ་སྙིང་པོར་འགྲོ། ། བྱམས་པའི་གོ་ཆའི་ཆོས་ཀྱིས་དགྲ་ཡིས་ཐུབ་པར་དཀའ།། ཆོས་དང་ལྡན་ནས་སྙིང་རྗེ་ཆེན་པོར་རིམ་གྱིས་འགྲོ།། བསམ་གཏན་རྫུ་འཕྲུལ་རྐང་དང་ཚད
105a5 མེད་བཞོན་པ་སྟེ། ལམ་དེ་མི་འདོར་ཁ་ལོ་སྒྱུར་བ་བྱང་ཆུབ་སེམས།། ཕྱོགས་བཅུ་མཐའ་ཡས་སེམས་ཅན་ཁམས་རྣམས་ཇི་སྙེད་པ།། ཐེག་པ་ཆེན་པོ་འདི་ལ་སྐྱོན་པ་ཐམས་ཅད་ནི།། གནོད་པ
105a6 མེད་ཅིང་འགྲིབ་པ་མེད་ལ་གང་བ་མེད། ། བདེ་བར་གཤེགས་ཀྱི་ཐེག་པའི་ཆོ་འཕྲུལ་འདི་འདྲའོ།། དྲན་གནས་ཡང་དག་སྦྱོར་དང་སྤོང་བ་བཞི་དག་དང་། རྫུ་འཕྲུལ་རྐང་པ་བཞི་དང་དབང་པོ
105a7 སྟོབས་རྣམས་དང་། རྒྱལ་བས་བསྔགས་པའི་བྱང་ཆུབ་ཡན་ལག་རིན་ཆེན་བདུན།། ལམ་གྱིས་འགྲོ་བར་ལྡན་པ་བྱང་ཆུབ་སྙིང་པོར་འགྲོ།། ཞི་གནས་ཉོན་མོངས་ཞི་ཞིང་ཆོས་ལ་སྣང་བར
iiif viewer powered by OpenSeadragon
