| e-texts navigator |
| Wylie |
101a1 ཆོས་སྤོང་གི་ལས་ཀུན་ཏུ་མི་སྲུང་བ་དང་། ཆོས་སྨྲ་བའི་གང་ཟག་རྣམས་ལ་གནོད་པར་བྱེད་པའོ།། གཞན་ཡང་བཞི་སྟེ། གཏི་མུག་གིས་འདོད་པ་ཆེ་བ་དང་། ཞེ་སྡང་།།
101a2 གིས་སྡིག་པ་འདོད་པ་དང་། འདོད་ཆགས་ཀྱིས་མཆོག་མི་ཤེས་པ་དང་། ཆགས་པས་ངོམས་མི་མྱོང་བའོ།། གཞན་ཡང་བཞི་སྟེ། མ་དད་པ་མི་མཐུན་པ་དང་། སྡིག་པའི་གྲོགས་པོ་དང་སྟེན
101a3 པས་སྡིག་པ་ལ་མི་སྨོད་པ་དང་། ལེ་ལོས་དགེ་བའི་ཆོས་ཡོངས་སུ་འགྲིབ་པ་དང་། བག་མེད་པས་དགེ་བའི་རྩ་བ་བྱས་པ་རབ་ཏུ་འཇིག་པའོ།། གཞན་ཡང་བཞི་སྟེ། ནང་དུ་སོ་སོར་མི་རྟོག་པས
101a4 ངོ་ཚ་མེད་པ་དང་། སངས་རྒྱས་ལ་མི་རྟོག་པས་ཁྲེལ་མེད་པ་དང་། མཚམས་མེད་པ་དང་མཚུངས་པས་བྱས་པ་མི་གཟོ་བ་དང་། རེ་བས་བྱས་ནས་མི་འཇིགས་པའོ།། གཞན་ཡང་བཞི་སྟེ། གནོད་སེམས
101a5 དང་། ཁོང་ཁྲོ་བ་དང་། ཁོན་ཏུ་འཛིན་པ་དང་། རྣམ་པར་འཚེ་བའོ།། གཞན་ཡང་བཞི་སྟེ། འཕགས་པ་རྣམས་ལ་སླུ་བ་དང་། འཕགས་པ་མ་ཡིན་པ་རྣམས་རྗེས་སུ་མི་སྲུང་བ་དང་། སྦྱིན་པ་པོ
101a6 རྣམས་ལ་བརྙས་པ་དང་། སྦྱིན་གནས་རྣམས་ལ་ཁྱད་དུ་གསོད་པའོ།། གཞན་ཡང་བཞི་སྟེ། ལུས་ཀྱི་ལས་ཡོངས་སུ་མ་དག་པ་དང་། ངག་གི་ལས་ཀུན་ཏུ་མི་སྲུང་བ་དང་། སེམས་ཀྱི་ལས་ཞུམ་པ་དང་།
101a7 ཐེག་པ་ཆེན་པོ་ལ་སྒྱིད་ལུག་པའོ།། གཞན་ཡང་བཞི་སྟེ། འདུམ་པ་རྣམས་ལ་དབེན་བྱེད་པ་དང་། སློབ་དཔོན་དང་། མཁན་པོ་རྣམས་ལ་ཚིག་བརླང་བ་དང་། དགོས་པ་དོན་ཏུ་གཉེར་བ་རྣམས་ལ་ཆོག་ཀྱལ
iiif viewer powered by OpenSeadragon
