| e-texts navigator |
| Wylie |
100b1 བཞི་སྟེ། ཐེག་པ་མཚུངས་པ་ལ་ཡང་དག་པར་ཞུགས་པ་རྣམས་ལ་ཞེ་སྡང་བ་དང་། བདུད་ཀྱི་ལས་ཁོང་དུ་མ་ཆུད་པས་མངོན་པའི་ང་རྒྱལ་ཅན་དང་། དེ་དག་གི་བསྔགས་པ་མ་ཡིན་པ་བརྗོད་པ་དང་།
100b2 དེ་དག་གི་བསྔགས་པ་དང་། ཡོན་ཏན་གྱིས་ཡིད་མི་བདེ་བར་འགྱུར་བའོ།། གཞན་ཡང་བཞི་སྟེ། ང་རྒྱལ་གྱིས་ཁེངས་ནས་ཆོས་རྣམས་ལ་རིམ་གྲོ་མེད་པ་དང་། ཆོས་སྨྲ་བ་རྣམས་ལ་མི་གུས་པ་དང
100b3 ཕ་མ་དང་། སློབ་དཔོན་དང་། མཁན་པོ་རྣམས་ལ་མི་འདུད་པ་དང་། ལུས་དང་། སེམས་རྩུབ་པས་རྟག་པར་རྒྱུན་མི་མཐུན་པར་གནས་པའོ།། གཞན་ཡང་བཞི་སྟེ། བདག་གི་ཡོན་ཏན་བརྗོད
100b4 པ་དང་། གཞན་གྱི་ཡོན་ཏན་ལོག་པར་བརྗོད་པ་དང་། ངའོ་སྙམ་པའི་ང་རྒྱལ་འབར་བ་དང་། ཁྲོ་བ་བརྟན་པའོ།། གཞན་ཡང་བཞི་སྟེ། ལེ་ལོ་དང་། སྙོམས་ལས་དང་། བཀའ་བློ་མི་བདེ་བ་དང་།
100b5 འཐུན་པར་མི་འཛིན་པའོ།། གཞན་ཡང་བཞི་སྟེ། མ་དུལ་བ་དང་། མ་ཞི་བ་དང་། མ་སྦས་པ་དང་། མ་བཏུལ་བའོ།། གཞན་ཡང་བཞི་སྟེ། ཐོས་པ་ཉུང་ངུས་གྲོང་དང་། གྲོང་ཁྱེར་དང་།
100b6 གྲོང་རྡལ་དུ་འཇུག་པ་དང་། ཚུལ་ཁྲིམས་ཀྱི་ཕུང་པོ་ལ་མི་གནས་པར་རྙེད་པ་དང་། བཀུར་སྟི་དང་། ཚིགས་སུ་བཅད་པ་འདོད་པ་དང་། དབང་པོ་རྣམས་ཀྱི་སྒོ་མ་སྲུངས་པར་བུད་མེད་ལ་ལྟ་བ་དང་། མཉམ
100b7 པར་མ་གཞག་པའི་སེམས་ཀྱིས་སེམས་ཅན་གྱི་དབང་པོ་ལ་འཇུག་པའོ། ། གཞན་ཡང་བཞི་སྟེ། བསྡུ་བའི་དངོས་དངོས་པོ་ལ་མི་བརྩོན་པ་དང་། སེམས་ཅན་ཡོངས་སུ་སྨིན་པར་བྱ་བ་ལ་གཡེལ་བ་དང་།
iiif viewer powered by OpenSeadragon
