| e-texts navigator |
| Wylie |
247a1 མི་དགེ་ཐམས་ཅད་བཤགས་པར་བྱ།། དེ་ཡིས་ལུས་ངག་ཡིད་ཀྱི་ལས།། མི་དགེ་གང་དག་བྱས་གྱུར་ན།། མཚན་རྣམས་གཟུང་ནས་དེའི་འོག་ཏུ།། ཉེས་བྱས་དག་ཀྱང
247a2 བཤགས་པར་བྱ། ། ཡན་ལག་ལྔ་ཡི་གཏུགས་ནས་ནི།། རྒྱལ་རྣམས་བྱང་ཆུབ་སྔོན་རོལ་དུ།། དུག་གསུམ་དགེ་བ་ཅི་བསགས་པ།། དེ་ཀུན་རྗེས་སུ་ཡི་རང་བྱ།། འཇིག་རྟེན་རྩ་ལག་རྣམས
247a3 ཀྱིས་ནི། ། བྱང་ཆུབ་བརྙེས་ནས་ཆོས་གསུངས་དང་།། ལུས་ཅན་གང་དག་འཇིག་རྟེན་གྱི།། མགོན་པོ་རྣམས་ལ་མཆོད་བྱེད་པ།། དེ་ལ་རྒྱལ་བའི་སྲས་རྣམས་ཀྱིས།། ཉིན་མཚན་དུས་གསུམ་ཡི
247a4 རང་བྱ། ། དེས་ན་བདག་གཞན་དོན་བྱེད་པའི།། ཕ་རོལ་ཕྱིན་པ་རྫོགས་པར་འགྱུར།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། རྒྱལ་པོ་གཟུགས་ཅན་སྙིང་པོའི་སྲས་ཁྱེའུ་རིན་ཆེན
247a5 ཟླ་བ་དང་། བྱང་ཆུབ་སེམས་དཔའ་དེ་དག་དང་། དགེ་སློང་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་བཅོམ་ལྡན་འདས་ཀྱིས་གསུངས་པ་ལ་ཡིད་རངས་ཏེ།
247a6 མངོན་པར་བསྟོད་དོ།། འཕགས་པ་རིན་ཆེན་ཟླ་བས་ཞུས་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། ། རྒྱ་གར་གྱི་མཁན་པོ་བི་ཤུདྡྷ་སིང་ཧ་དང་། ལོ་ཙ་བ་བན་དྷེ་དགེ
247a7 བ་དཔལ་གྱིས་བསྒྱུར། རྒྱ་གར་གྱི་མཁན་པོ་བིདྱ་ཀ་ར་སི་མ་ཧ་དང་། ཞུ་ཆེན་གྱི་ལོ་ཙ་བ་བན་དྷེ་དེ་ཝ་ཙན་ཏྲས་ཞུས་ཏེ་གཏན་ལ་ཕབ་པ།། @#རྒྱ་གར
iiif viewer powered by OpenSeadragon
