| e-texts navigator |
| Wylie |
158b1 ལས་དང་པོ་པའི་བྱང་ཆུབ་སེམས་དཔའ་དེ་ལུང་མནོད་པ་དང་། ཁ་ཏོན་ལ་སྦྱོར་བར་བྱའོ།། མང་དུ་ཐོས་ནས་རབ་ཏུ་དབེན་པ་ལ་སྦྱར་བར་བྱའོ།། རབ་ཏུ་དབེན་པར་གྱུར་ནས་དགེ་བའི་ཤེས་གཉེན་ལ་མངོན
158b2 པར་དགའ་བ་ལ་སྦྱར་བར་བྱའོ། ། དགེ་བའི་བཤེས་གཉེན་ལ་མངོན་པར་དགའ་ནས་བཀའ་བློ་བདེ་བ་ལ་སྦྱར་བར་བྱའོ།། བཀའ་བློ་བདེ་བར་གྱུར་ནས་དུས་ཤེས་པ་ལ་སྦྱར་བར་བྱའོ།། དུས་ཤེས་པར
158b3 གྱུར་ནས་མི་འཇིགས་པ་ལ་སྦྱར་བར་བྱའོ། ། མི་འཇིགས་པར་གྱུར་ནས་དོན་ཤེས་པ་ལ་སྦྱར་བར་བྱའོ།། དོན་ཤེས་པར་གྱུར་ནས། ཆོས་ཀྱི་རྗེས་སུ་འབྲང་བ་ལ་སྦྱར་བར་བྱའོ།། ཆོས་ཀྱི་རྗེས་སུ་འབྲང
158b4 པབར་གྱུར་ནས། བརྗེད་པ་མེད་པའི་ཆོས་ཉིད་ལ་སྦྱར་བར་བྱའོ།། རྨོངས་པ་མེད་པར་གྱུར་ནས་ཆོས་རྣམ་པར་དགོད་པ་ལ་སྦྱར་བར་བྱའོ།། དེ་ཅིའི་ཕྱིར་ཞེ་ན། འདི་ལྟར་སེམས་བསྐྱེད་མ་ཐག་པ་དེ་ཉིད
158b5 ཀྱིས་ཤས་ཆེར་སངས་རྒྱས་ཀྱི་ཆོས་ཐམས་ཅད་ལ་མངོན་པར་བརྩོན་པར་བྱེད་ཅིང་གོང་དུ་གནས་གང་དག་ཐོས་པའི་གནས་དེ་དག་ལ་ཡང་བདག་ཉིད་སྦྱོར་གྱི། གཞན་གྱི་དྲིང་ལ་མི་འཇོག་པ་ཐོབ་པའི་ཕྱིར་ཏེ།
158b6 ཀྱེ་རྒྱལ་བའི་སྲས་དག། འདི་ནི་ལས་དང་པོ་པའི་བྱང་ཆུབ་སེམས་དཔའ་རྣམ་པར་གཞག་པའོ།། ཀྱེ་རྒྱལ་བའི་སྲས་དག། དེ་ལ་རྣལ་འབྱོར་སྤྱོད་པའི་བྱང་ཆུབ་སེམས་རྣམ་པར་གཞག
158b7 པ་གང་ཞེ་ན། ཀྱེ་རྒྱལ་བའི་སྲས་དག། རྣལ་འབྱོར་སྤྱོད་པའི་བྱང་ཆུབ་སེམས་དཔའ་ནི་དམིགས་པ་རྣམ་པ་བཅུས་ཆོས་རྣམས་རྟོགས་པར་བྱེད་དོ།། བཅུ་གང་ཞེ་ན། འདི་ལྟ་སྟེ། ཆོས་ཐམས
iiif viewer powered by OpenSeadragon
