| e-texts navigator |
| Wylie |
158a1 རྒྱས་དཔག་ཏུ་མེད་པ་དང་ཕྲད་པ་དང་། རབ་ཏུ་ཞི་བའི་ཏིང་ངེ་འཛིན་ལ་རྣལ་འབྱོར་ཏུ་བྱ་བ་དང་། འཁོར་བའི་འཁོར་ལོ་རྣམ་པར་བཟློག་པ་དང་། དམ་པའི་ཆོས་ཀྱི་འཁོར་ལོ་རབ་ཏུ་བསྐོར
158a2 བ་དང་། སེམས་ཅན་སྡུག་བསྔལ་བ་ཡོངས་སུ་བསྐྱབ་པ་ཡང་བརྗོད་པར་བྱའོ།། དེ་ཅིའི་ཕྱིར་ཞེ་ན། འདི་ལྟར་སེམས་བསྐྱེད་མ་ཐག་པ་དེ་ཉིད་ཀྱིས། ཤས་ཆེར་སངས་རྒྱས་ཀྱི་ཆོས་ཐམས་ཅད་ལ་སྦྱོར་ཞིང
158a3 གོང་དུ་གནས་གང་དག་ཐོས་པའི་གནས་དེ་དག་ལ་ཡང་བདག་ཉིད་སྦྱོར་གྱི་གཞན་གྱི་དྲིང་ལ་མི་འཇོག་པ་ཐོབ་པའི་ཕྱིར་ཏེ། ། ཀྱེ་རྒྱལ་བའི་སྲས་དག། འདི་ནི་སེམས་དང་པོ་བསྐྱེད་པའི་བྱང
158a4 ཆུབ་སེམས་དཔའ་རྣམ་པར་གཞག་པའོ། ། ཀྱེ་རྒྱལ་བའི་སྲས་དག། དེ་ལ་ལས་དང་པོ་པའི་བྱང་ཆུབ་སེམས་དཔའ་རྣམ་པར་གཞག་པ་གང་ཞེ་ན། ཀྱེ་རྒྱལ་བའི་སྲས་དག། འདི་ལ་ལས་དང་པོ་པའི
158a5 བྱང་ཆུབ་སེམས་དཔའ་ནི་སེམས་ཅན་རྣམས་ལ་ཐོག་མ་ཉིད་དུ་སེམས་རྣམ་པ་བཅུ་བསྐྱེད་དེ་རྣམ་པ་བཅུ་གང་ཞེ་ན། འདི་ལྟ་སྟེ། ཕན་པར་བྱ་བའི་སེམས་དང་། བདེ་བར་བྱ་བའི་སེམས
158a6 དང་སྙིང་བརྩེ་བའི་སེམས་དང་། གཉེན་པའི་སེམས་དང་། སྡུག་པའི་སེམས་དང་། ཕན་བདགས་པའི་སེམས་དང་། ཀུན་ཏུ་བསྲུང་བའི་སེམས་དང་། སྙོམས་པའི་སེམས་དང་། སློབ་དཔོན
158a7 གྱི་སེམས་དང་། སྟོན་པའི་སེམས་ཏེ། སེམས་རྣམ་པ་བཅུ་པོ་འདི་དག་བསྐྱེད་དོ།། ཀྱེ་རྒྱལ་བའི་སྲས་དངག་འདི་ནི་ལས་དང་པོ་པའི་བྱང་ཆུབ་སེམས་དཔའོ།། ཀྱེ་རྒྱལ་བའི་སྲས་དག
iiif viewer powered by OpenSeadragon
