| e-texts navigator |
| Wylie |
157b1 གཤེགས་པའི་བསྔགས་པ་རྒྱ་ཆེར་ཐོས་ན། ། འདི་ལྟ་སྟེ། རྣམ་པ་ཐམས་ཅད་མཁྱེན་པའི་ཡེ་ཤེས་བདོད་ཅིང་། ཐོག་མ་ཉིད་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།།
157b2 སེམས་བསྐྱེད་མ་ཐག་ཏུ་དེ་ཉིད་ཀྱིས་བསྙེན་པར་དཀའ་བའི་གནས་བཅུ་ཡོངས་སུ་བཟུང་བར་འགྱུར་ཏེ། བཅུ་གང་ཞེ་ན། འདི་ལྟ་སྟེ་གནས་དང་གནས་མ་ཡིན་པ་ཤེས་པ་དང་། འདས་པ་དང་། མ་འོངས་པ་དང་།
157b3 ད་ལྟར་བྱུང་བའི་ལས་དང་། ཆོས་ཡང་དག་པར་བླངས་པ་ཤེས་པ་དང་། ཐམས་ཅད་དུ་འགྲོ་བའི་ལམ་ཤེས་པ་དང་། ཁམས་དུ་མ་སྣ་ཚོགས་ཤེས་པ་དང་། མོས་པ་རྣམ་པར་གྲོལ་བ་དུ་མ་ཤེས་པ་དང་།
157b4 དབང་པོ་མཆོག་དང་མཆོག་མ་ཡིན་པ་ཤེས་པ་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པའི་ཀུན་ནས་ཉོན་མོངས་པ་དང་། རྣམ་པར་བྱང་བ་དང་ལྡན་པ་ཐམས
157b5 ཅད་ཤེས་པ་དང་། སྔོན་གྱི་གནས་རྗེས་སུ་དྲན་པའི་ཤེས་པ་དང་། ལྷའི་མིག་གི་ཤེས་པ་དང་། ཟག་པ་ཟད་པའི་ཤེས་པ་སྟེ། བསྙེན་པར་དགའ་བའི་གནས་བཅུ་པོ་དེ་དག་ཡོངས་སུ་བཟུངས་པར་འགྱུར་རོ།།
157b6 ཀྱེ་རྒྱལ་བའི་སྲས་དག་འདི་ནི་སེམས་དང་པོ་བསྐྱེད་པའི་བྱང་ཆུབ་སེམས་དཔའ་རྣམ་པར་གཞག་པའོ།། ཀྱེ་རྒྱལ་བའི་སྲས་དག། སེམས་དང་པོ་བསྐྱེད་པའི་བྱང་ཆུབ་སེམས་དཔའ་སེམས་དཔའ
157b7 ཆེན་པོ་དེ་སངས་རྒྱས་མཆོད་པ་དང་། བྱང་ཆུབ་སེམས་དཔའི་བདེ་བའི་ཡོ་བྱད་ལ་སྦྱར་བར་བྱའོ།། དེ་ལ་འཇིག་རྟེན་གྱི་བདག་པོར་འགྱུར་བ་དང་། མཆོག་ཏུ་བྱ་བ་དང་། ཟིལ་གྱིས་མི་ནོན་པ་དང་། སངས
iiif viewer powered by OpenSeadragon
