| e-texts navigator |
| Wylie |
155b1 དེ་ནས་བྱང་ཆུབ་སེམས་དཔའ་ཆོས་ཀྱི་བློ་གྲོས་བྱང་ཆུབ་སེམས་དཔའ་ཏིང་ངེ་འཛིན་དཀོན་མཆོག་ཏ་ལ་ལ་སྦྱོར་བ་མཐའ་ཡས་པ་ཞེས་བྱ་བ་དེ་ལ་སྙོམས་པར་ཞུགས་སོ།། བྱང་ཆུབ་སེམས་དཔའ་ཆོས་ཀྱི་བློ
155b2 གྲོས་སྙོམས་པར་ཞུགས་མ་ཐག་ཏུ། ཕྱོགས་བཅུའི་ཕྱོགས་རེ་རེའི་འཇིག་རྟེན་གྱི་ཁམས་སངས་རྒྱས་ཀྱི་ཞིང་སྟོང་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་ཕ་རོལ་ནས། སངས་རྒྱས་བཅོམ་ལྡན་འདས
155b3 སངས་རྒྱས་ཀྱི་ཞིང་སྟོང་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱིས་ཞལ་མངོན་པར་བསྟན་ཏོ། ། སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱང་མཚན་རྡོ་རྗེའི་སྙིང་པོ་ཞེས་བྱ་བར་མཐུན་པ་ཤ་སྟག་གོ།
155b4 ཕྱོགས་གཅིག་ཇི་ལྟ་བར་ཕྱོགས་བཅུ་རྣམས་ནས་ཀྱང་དེ་བཞིན་ཏེ། སངས་རྒྱས་བཅོམ་ལྡན་འདས་དེ་དག་གིས་དེ་ལ་འདི་སྐད་ཅེས་བཀའ་སྩལ་ཏོ།། ཆོས་ཀྱི་བློ་གྲོས་ཁྱོད་དེ་ལྟར་བྱང
155b5 ཆུབ་སེམས་དཔའ་ཏིང་ངེ་འཛིན་སྦྱོར་བ་མཐའ་ཡས་པ་ལ་སྙོམས་པར་ཞུགས་པ་ལེགས་སོ་ལེགས་སོ། ། རིགས་ཀྱི་བུ་འདི་ལྟ་སྟེ། བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་འདི
155b6 ཉིད་ཀྱི་སྔོན་གྱི་སྨོན་ལམ་དང་། སྔོན་གྱི་བྱིན་གྱིས་བརླབས་དང་། ཁྱོད་ཉིད་ཀྱི་དགེ་བའི་རྩ་བས་ཉེ་བར་བརྟན་པས། འདི་ལྟ་སྟེ། ཆོས་ཐམས་ཅད་བསྟན་པར་བྱ་བ་དང་། སངས་རྒྱས་ཀྱི་ཡེ་ཤེས་རྣམ
155b7 པར་སྦྱང་བ་དང་། སངས་རྒྱུ་ཀྱི་ཡེ་ཤེས་རྣམ་པར་འཕེལ་བར་བྱ་བ་དང་། ཆོས་ཀྱི་དབྱིངས་སུ་འཇུག་པར་བྱ་བ་དང་། སེམས་ཅན་གྱི་ཁམས་རྣམ་པར་དགྲོལ་བར་བྱ་བ་དང་། ཆགས་པ་མེད་པའི་ཡེ་ཤེས
iiif viewer powered by OpenSeadragon
