| e-texts navigator |
| Wylie |
155a1 འདི་ལྟ་སྟེ་དཔེར་ན། བ་གླང་གླང་པོ་ཆེ་ཤིན་ཏུ་མི་བཟད་པ་ཆེན་པོ་དེ་ཡང་། མི་སྟོབས་དང་ལྡན་པས་ལྕགས་ཀྱུ་ཆུང་ངུས་དུལ་བར་བྱེད་དོ།། རིགས་ཀྱི་བུ་དེ་བཞིན་དུ་ཁྱོད་ནི
155a2 སྟོབས་དང་ལྡན་པ། ཁོ་བོ་ནི་ཉམ་ཆུང་བ་སྟེ། གླང་པོ་ཆེ་ཆེན་པོ་འདི་ལྟ་བུ་དང་ཁོ་བོ་འགྱེང་ག་ལ་ནུས་དེ་ནས་བཅོམ་ལྡན་འདས་ལ་གནས་བརྟན་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།།
155a3 བཅོམ་ལྡན་འདས་འདི་ལྟ་སྟེ་དཔེར་ན། མི་དམུས་ལོང་གིས་ནི་ཤུལ་དུ་མཆིས་པའམ། གྲོང་ཁྱེར་མཐོང་བར་ཡང་རྔོ་མི་ཐོག་ན། ཁྱིམ་ནས་ཁྱིམ་དུ་མཆི་བའི་རྡོ་ལྟ་ག་ལ་ཐོག་སྟེ་དེ་ནི་གནས་མ་ཡིན་ནོ།།
155a4 དེ་བཞིན་དུ་གླང་པོ་ཆེ་ཆེན་པོ་འདི་ལྟ་བུ་འདི་དག་གི་མདུན་ན་བདག་ནི་དམུས་ལོང་དང་མཚུངས་པར་མཐོང་སྟེ། སངས་རྒྱས་ཀྱི་ཆོས་འདི་དག་ནི་དེ་ཙམ་དུ་རྒྱ་ཆེ་བ་ལགས་སོ།། བདག་ནི་སངས་རྒྱས་ཀྱི
155a5 ཆོས་རྣམས་ཀྱི་སྣོད་དུ་མ་གྱུར་ཏེ། དེ་ཅི་བགྱིར་ཡང་མ་མཆིས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་དེ་སྐད་མ་ཟེར་ཅིག། ཤཱ་ར་དྭ་ཏིའི་བུ་འདི་ལྟ་སྟེ་དཔེར་ན། དེ་བཞིན
155a6 གཤེགས་པའི་འོད་ཀྱིས་སེམས་ཅན་ཇི་སྙེད་ཅིག་ལ་རེག་པ་དེ་དག་ཐམས་ཅད་སངས་རྒྱས་ཀྱི་ཆོས་རྣམས་ཐོབ་པ་ཡིན་ནོ། ། ཤཱ་ར་དྭ་ཏིའི་བུ་དེ་བཞིན་དུ་ཁྱོད་ནི་ཏིང་ངེ་འཛིན་མཐའ་ཡས་ཤིང་བསམ་གྱིས
155a7 མི་ཁྱབ་པ་ཐོབ་པ་ཡིན་ནོ། ། བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་བཤད་པ་ན། ལྷ་དང་མིའི་སྐྱེ་དགུ་ལས་སེམས་ཅན་དགུ་ཁྲི་ཉིས་སྟོང་གིས་ཆོས་མངོན་པར་རྟོགས་པར་གྱུར་ཏོ།།
iiif viewer powered by OpenSeadragon
