| e-texts navigator |
| Wylie |
154a1 ཚེ་དང་ལྡན་པ་ཤཱ་ར་དྭ་ཏིའི་བུ་སེམས་དང་པོ་བསྐྱེད་པའི་བྱང་ཆུབ་སེམས་དཔའི་ཤེས་པ་ནི་མཆོག་ཡིན་གྱི། དགྲ་བཅོམ་པའི་ཤེས་པ་ནི་དེ་ལྟ་མ་ཡིན་ནོ།། དེ་ཅིའི་ཕྱིར་ཞེ་ན། དགྲ་བཅོམ
154a2 པ་ནི་སངས་རྒྱས་ཀྱི་ཆོས་རྣམས་ལས་རིང་དུ་གནས་ལ། བྱང་ཆུབ་སེམས་དཔའ་དེ་ནི་སངས་རྒྱས་བཅོམ་ལྡན་འདས་སུ་འགྱུར་བའི་ཕྱིར་རོ།། དེ་ནས་བཅོམ་ལྡན་འདས་ལ་བྱང་ཆུབ་སེམས
154a3 དཔའ་ཆོས་ཐམས་ཅད་ཀྱི་དབང་ཕྱུག་གི་རྒྱལ་པོས་འདི་སྐད་ཅེས་གསོལ་ཏོ། ། བཅོམ་ལྡན་འདས་ཇི་ལྟར་བཅོམ་ལྡན་འདས་ཀྱིས་གསུངས་པའི་དོན་བདག་གིས་འཚལ་བ་ལྟར་ན། ཉན་ཐོས་ཀྱིས་ནི་ཉན
154a4 ཐོས་ཀྱི་ཆོས་རྣམས་མ་ཐོབ་པ་ཉིད་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཉན་ཐོས་ཀྱིས་ཉན་ཐོས་ཀྱི་ཆོས་རྣམས་མ་ཐོབ་པ་ནི་མ་ཡིན་ཏེ། འོན་ཀྱང་ཉན་ཐོས་ལ་བྱང་ཆུབ་སེམས
154a5 དཔའ་དང་ལྷན་ཅིག་ཏུ་དྲིས་པ་ལན་གདབ་པ་འམ། སྤྱོད་པའི་བྱིན་གྱིས་བརླབ་པར་བྱ་བའི་ནུས་པ་དང་མཐུག་ལ་ཡོདདེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད
154a6 ཅེས་གསོལ་ཏོ། ། བཅོམ་ལྡན་འདས་ཤཱ་ར་དྭ་ཏིའི་བུ་འདི་ནི་དེ་བཞིན་གཤེགས་པས་ཤེས་རབ་དང་ལྡན་པ་རྣམས་ཀྱི་མཆོག་ཏུ་བསྟན་པ་ལགས་ན། བསྟན་པ་འདི་གང་ལ་བསྟན་པ་ལགས། བཅོམ་ལྡན
154a7 བདས་ཀྱིས་བཀའ་སྩལ་པ། འཇམ་དཔལ་ངས་གང་བསྟན་པ་འདི་ནི་བསྟན་པ་མེད་པའོ།། དེ་ནས་འཇམ་དཔལ་གཞོན་ནུར་གྱུར་པས། གནས་བརྟན་ཤཱ་ར་དྭ་ཏིའི་བུ་ལ་འདི་སྐད་ཅེས
iiif viewer powered by OpenSeadragon
