| e-texts navigator |
| Wylie |
151b1 ཀྱི་བུ་ཁྱོད་ནི་སངས་རྒྱས་ཀྱི་ཆོས་ཐམས་ཅད་ལ་སྐལ་བ་དང་ལྡན་པ་ཡིན་ནོ། ། འཇམ་དཔལ་གྱིས་གསོལ་པ། བཅོམ་ལྡན་འདས་བདག་གིས་སངས་རྒྱས་ཀྱི་ཆོས་གང་དག་ཀུན་ཏུ་བསྟན་པ་དང་། བསྒོམས
151b2 པ་དང་། མང་དུ་བགྱིས་པ་དེ་ཐམས་ཅད་ནི། དེ་བཞིན་གཤེགས་པའི་སྐྱེས་བུའི་མཐུར་རིག་པར་བགྱིའོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།།
151b3 ཁྱོད་ཀྱི་ཚིག་འདི་ལེགས་པར་སྨྲས་ཏེ། འོན་ཀྱང་འཇམ་དཔལ་ང་ཁྱོད་ལ་གསོལ་བ་འདེབས་ཀྱིས་ཁྱོད་བྱང་ཆུབ་སེམས་དཔའ་ཀུན་ཏུ་བཟང་པོ་ལ་དྲིས་ཤིག། དེ་ནས་བཅོམ་ལྡན་འདས
151b4 ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། ། བཅོམ་ལྡན་འདས་བྱང་ཆུབ་སེམས་དཔའ་ཀུན་ཏུ་བཟང་པོ་འདི་ནི་ཤིན་ཏུ་ཟབ་མོ་སྟོན་པ་སྟེ། ཐེག་པ་ཆེན་པོ་རྟོགས་པར་ཁོང་དུ་ཆུད
151b5 པ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་ཀྱང་ཆོས་ཐམས་ཅད་ཀྱི་དབང་ཕྱུག་གི་རྒྱལ་པོ་ཡིན་གྱིས་བདག་ལ་མ་སྲུང་ཤིག། ཡང་རིགས་ཀྱི་བུ་ཁྱོད་ནི་སྟོང་པ་ཉིད་ལ
151b6 གནས་པ། ཏིང་ངེ་འཛིན་བསམ་གྱིས་མི་ཁྱབ་པ་དང་ལྡན་པའོ།། དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ཀུན་ཏུ་བཟང་པོ་ལ་སོར་མོ་བཅུའི་ཐལ་མོ་སྦྱར་ཏེ་ཕྱག་འཚལ
151b7 ནས། བྱང་ཆུབ་སེམས་དཔའ་ཀུན་ཏུ་བཟང་པོ་ལ་འདི་སྐད་ཅེས་སྨྲས་སོ།། ཀྱེ་རྒྱལ་བའི་སྲས་ཁྱོད་ཀྱིས་བདག་ལ་སྐབས་ཕྱེ་ན། ཁྱོད་ལ་བདག་ཡི་གེ་འབྲུ་གཉིས་ཤིས་འདྲིའོ།། བྱང་ཆུབ
iiif viewer powered by OpenSeadragon
