| e-texts navigator |
| Wylie |
127b1 བྱང་ཆུབ་སེམས་དཔའ་རྣམས་ལ་མཆོད་པར་བྱའོ། ། བྱང་ཆུབ་སེམས་དཔའ་རྣམས་ལ་མཆོད་པ་བྱས་ན། སངས་རྒྱས་ཐམས་ཅད་ལ་མཆོད་པར་འགྱུར་རོ།། བྱང་ཆུབ་སེམས་དཔའ་རྣམས་ལ་བཀུར་སྟི
127b2 བྱས་ན། སངས་རྒྱས་ཐམས་ཅད་ལ་བཀུར་སྟི་བྱས་པར་འགྱུར་རོ།། འཇམ་དཔལ་བྱང་ཆུབ་སེམས་དཔའ་གང་ལ་ལས་སངས་རྒྱས་བཅོམ་ལྡན་འདས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ལ
127b3 ལྷའི་ཞལ་ཟས་རོ་བརྒྱ་དང་ལྡན་པ་དང་། ལྷའི་ན་བཟའ་ཕུལ་ཏེ། སྦྱིན་པ་དེ་ལྟ་བུ་བསྐལ་པ་རྒྱ་མཚོ་གངྒཱའི་ཀླུང་གི་བྱེ་མ་སྙེད་ཀྱི་འཇིག་རྟེན་གྱི་ཁམས་ཀྱི་རྡུལ་སྙེད་ཀྱི་བར་དུ་ཕུལ་ལ། བྱང་ཆུབ་སེམས་དཔའ
127b4 གཞན་ཞིག་གིས་ནི། བྱང་ཆུབ་སེམས་དཔའ་ལ་དམིགས་པ་གང་ཡང་རུང་བ་ཞིག་གིས། བྱང་ཆུབ་ཏུ་སེམས་བསྐྱེད་དེ། བདུག་པ་ལས་དམིགས་པ་འམ། མར་མེ་ལས་དམིགས་པ་འམ། མེ་ཏོག་ལ
127b5 དམིགས་པ་འམ། སྤོས་ལས་དམིགས་པ་འམ། གཞན་གང་ཡང་རུང་བ་ཞིག་ལས་དམིགས་ཏེ། བྱང་ཆུབ་ཏུ་སེམས་བསྐྱེད་ན། འདི་ནི་དེ་བས་ཆེས་གྲངས་མེད་པར་བསོད་ནམས་འཕེལ་བར་འགྱུར་ན།
127b6 གཞན་སྐྱེད་དུ་འཇུག་པ་གང་ཡིན་པ་དག་ལྟ་ཅི་སྨོས་ཏེ། འདི་ནི་དེ་བས་བསོད་ནམས་ཆེས་གྲངས་མེད་པར་སྐྱེད་པར་འགྱུར་རོ།། སྔ་མ་དེས་ནི་བསོད་ནམས་མངོན་པར་འདུ་བྱེད་པ་འདིའི་རྒྱུའི་ཆར་ཡང་མི་ཕོད།
127b7 སྟོང་གི་ཆར་ཡང་མི་པོད། འབུམ་གྱི་ཆར་ཡང་མི་ཕོད། བྱེ་བའི་ཆར་ཡང་མི་ཕོད། བྱེ་བ་རྒྱའི་ཆར་ཡང་མི་བོད། བྱེ་བ་སྟོང་གི་ཆར་ཡང་མི་ཕོད། བྱེ་བ་འབུམ་གྱི་ཆར་ཡང་མི་ཕོད་དེ། དཔེ་དང་རྒྱུར་ཡང
iiif viewer powered by OpenSeadragon
