| e-texts navigator |
| Wylie |
126a1 པ་དག་ཀྱང་སྣང་ངོ་། ། དེ་དག་གི་བྱང་ཆུབ་སེམས་དཔའ་སྤྱོད་པ་རྣམ་པ་སྣ་ཚོགས་གང་ཡིན་པ་དེ་དག་ཀྱང་སྣང་ཞིང་ཐོས་སོ།། དེ་བཞིན་དུ་མ་འོངས་པའི་སངས་རྒྱས་བཅོམ་ལྡན
126a2 འདས་དེ་དག་གི་སངས་རྒྱས་གཅིག་ནས་གཅིག་ཏུ་བརྒྱུད་པ་ཡང་བསྐལ་པ་རྒྱ་མཚོ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་རབ་ཀྱི་རྡུལ་སྙེད་ཀྱི་བར་དུ་བསྟན་ཀྱང་མཐར་བྱིན་པར་མི་འགྱུར་རོ། ། དེ་ཅིའི
126a3 ཕྱིར་ཞེ་ན། སྐུ་དང་ཡེ་ཤེས་ཆགས་པ་མེད་པ་བརྙེས་པའི་ཕྱིར་རོ།། དེ་ནས་བྱང་ཆུབ་སེམས་དཔའི་འཁོར་དེ་དག་འདི་སྙམ་དུ་སེམས་ཏེ། བྱང་ཆུབ་སེམས་དཔའ་གང་དག་ཆོས་ཀྱི་རྣམ
126a4 གྲངས་འདི་ཐོས་ནས། མོས་པར་བྱེད་ཅིང་འཆང་བ་དང་། ཀློག་པ་དང་། འདོན་པ་དང་། འདོན་ཏུ་འཇུག་པ་དང་། མར་མེ་དང་། གདུགས་པ་དང་། སྤོས་དང་། མེ་ཏོག་འཕྲེང་དང་། བྱུག་པ་དང་།
126a5 ཕྱེ་མ་དང་། ཆོས་གོས་དང་། གདུགས་དང་། རྒྱལ་མཚན་དང་། བ་དན་ལ་སོགས་པས་མཆོད་པ་དེ་དག་གི་བསོད་ནམས་ཇི་སྙེད་ཅིག་འཕེལ་བར་འགྱུར་ཞིག་གུ་སྙམ་མོ།། དེ་ནས
126a6 བཅོམ་ལྡན་འདས་ཀྱིས་བྱང་ཆུབ་སེམས་དཔའ་དེ་དག་གི་སེམས་ཀྱི་ཡོངས་སུ་རྟོག་པ་ཐུགས་ཀྱིས་མཁྱེན་ནས། འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་འཇིག་རྟེན་གྱི་ཁམས
126a7 རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོའི་རྡུལ་ཕྲ་རབ་ཀྱི་རྡུལ་ཤིན་ཏུ་ཉུང་གི། དེ་བས་ཆེས་མང་བའི
iiif viewer powered by OpenSeadragon
