| e-texts navigator |
| Wylie |
123b1 རླུང་གིས་འཇིག་པ་དག་མཐོང་སྟེ། དཔེར་ན་འཇིག་རྟེན་གྱི་ཁམས་རྒྱ་མཆོ་ག་དྷཱའི་ཀླུང་གི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་སྲིད་པའི་རྩེ
123b2 མོར་ཐུག་པར་རབས་བསྐོར་ཏེ། རྡོ་དང་གསེག་མ་དང་། གྱོ་མོ་མེད་ཅིང་ལག་མཐིལ་ལྟར་མཉམ་པར་གྱུར་ནས། རྡུལ་ཕྲ་རབ་ཀྱི་རྡུལ་གྱིས་གང་བ་ལ། འཇིག་རྟེན་གྱི་ཁམས་གང་དག་ཏུ་མེས་འཇིག་པ
123b3 དང་། ཆུས་འཇིག་པ་དང་། རླུང་གིས་འཇིག་པར་མཐོང་བ་དེ་དག་ནི། ར་བ་དེའི་ནང་གི་རྡུལ་ཕྲ་རབ་ཀྱི་རྡུལ་གཅིག་ལྟ་བུར་བལྟ་བར་བྱའོ།། འཇིག་རྟེན་གྱི་ཁམས་རྒྱ་མཚོ་དེ་དག་ལས། འཇིག་རྟེན་གྱི་ཁམས
123b4 རྒྱ་མཚོ་གནས་པ་ནི། རྡུལ་ཕྲ་རབ་ཀྱི་རྡུལ་ལྷག་མ་ཇི་སྙེད་ཡོད་པ་ཙམ་དུ་བལྟ་བར་བྱའོ།། དེ་ལ་འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་སྐར་འོད་ལས་གྲུབ་པ་ཡིན་ནོ།། འཇིག་རྟེན་གྱི་ཁམས་རྒྱ
123b5 མཚོལ་ལ་ནི། ནོར་བུ་རིན་པོ་ཆེ་གློག་གི་སྒྲོན་མ་ལས་གྲུབ་པ་ཡིན་ནོ།། འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་ཉི་ཟླའི་སྒྲོན་མ་ལས་གྲུབ་པ་ཡིན་ནོ།། འཇིག་རྟེན་གྱི་ཁམས་རྒྱ་མཚོ་ལ་ལ་ནི།
123b6 ནོར་བུ་རིན་པོ་ཆེ་སྣང་བ་ཐམས་ཅད་འདུས་པ་ལས་གྲུབ་པ་ཡིན་ནོ།། འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་དབང་གི་རྒྱལ་པོ་ལས་གྲུབ་པ་ཡིན་ནོ།། འཇིག་རྟེན་གྱི་ཁམས་རྒྱ་མཚོ་ལ་ལ་ནི
123b7 ནོར་བུ་རིན་པོ་ཆེ་ཟེ་བ་ཅན་ལས་གྲུབ་པ་ཡིན་ནོ། ། འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་སེང་གེའི་ཟེ་བ་ལས་གྲུབ་པ་ཡིན་ནོ།། འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་སེང་གེའི་རྫ
iiif viewer powered by OpenSeadragon
