| e-texts navigator |
| Wylie |
123a1 རྒྱས་ཀྱི་མཐུས། བདག་ཅག་གིས་མཐོང་ཅི་མ་རུང་སྙམ་མོ།། དེ་ནས་བཅོམ་ལྡན་འདས་ཀྱི་བྱང་ཆུབ་སེམས་དཔའ་དེ་དག་གིས་སེམས་ཀྱི་ཡོངས་སུ་རྟོག་པ་ཐུགས་ཀྱིས
123a2 མཁྱེན་ནས། གཙུག་ཏོར་ནས་དེ་བཞིན་གཤེགས་པའི་སྐུའི་ནང་དུ་ཆུད་པའི་འཇིག་རྟེན་གྱི་ཁམས་སྟོན་པ་ཞེས་བྱ་བའི་འོད་ཟེར་འཁོར་འོད་ཟེར་གྲངས་མེད་པ་དག་བྱུང་སྟེ། དེས་ཕྱོགས་བཅུའི་འཇིག་རྟེན་གྱི
123a3 ཁམས་རབ་འབྱམས་ཐམས་ཅད་སྣང་བ་ཆེན་པོས་ཁྱབ་པར་བྱས་ནས། བདུད་ཀྱི་གནས་ཐམས་ཅད་མོག་མོག་པོར་བྱས་སོ།། སངས་རྒྱས་ཀྱི་རྣམ་པར་འཕྲུལ་པ་ཐམས་ཅད་ཀྱང་བསྟན་ཏེ། སེམས
123a4 ཅན་གྱི་ཁམས་མཐའ་ཡས་པ། ཡོངས་སུ་སྨིན་པར་བྱས་ནས་ཡང་ཕྱིར་ལོག་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ། ལན་གྲངས་མེད་པར་བསྐོར་བར་བྱས
123a5 ནས། བྱང་ཆུབ་སེམས་དཔའ་དེ་དག་གི་ལུས་ལ་ཕོགས་པར་གྱུར་ཏོ།། བྱང་ཆུབ་སེམས་དཔའ་དེ་དག་གི་ལུས་ལ་འོད་ཟེར་དེས་ཕོག་མ་ཐག་ཏུ་ཡང་དེའི་ཚེ་བྱང་ཆུབ་སེམས་དཔའ་དེ་དག་ཐམས་ཅད་ཀྱིས་བཅོམ
123a6 ལྡན་འདས་ཀྱི་མཛོད་སྲུ་དང་། གཙུག་ཏོར་དང་། མཚན་དང་དཔེ་བྱད་བཟང་པོ་རེ་རེ་དང་། སྤུའི་ཁུང་བུ་རེ་རེ་ལ་འཇིག་རྟེན་གྱི་ཁམས་རྒྱ་མཚོ་གདྷཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ
123a7 བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོའི་རྡུལ་ཕྲ་རབ་ཀྱི་རྡུལ་ལྟ་ཤིན་ཏུ་ཉུང་གི། དེ་བས་ཆེས་མང་བའི་འཇིག་རྟེན་གྱི་ཁམས་རྒྱ་མཚོ་དག་ནམེས་འཇིག་པ་དང་། ཆུས་འཇིག་པ་དང་།
iiif viewer powered by OpenSeadragon
