| e-texts navigator |
| Wylie |
122b1 པས་མཛེས་པར་བྱས་ཤིང་། གདུགས་དང་། རྒྱལ་མཚན་དང་། བ་དན་བསྒྲེང་བ་ཤ་སྟག་གོ།། དེ་ནས་བྱང་ཆུབ་སེམས་དཔའ་དེ་དག་གིས་འོད་ཟེར་རྒྱ་མཚོ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ
122b2 བཏང་ནས། པདྨ་དེ་དག་ལས་བབས་ཏེ། ལྷའི་གདུགས་ཀྱི་སྤྲིན་དང་། རྒྱལ་མཚན་གྱི་སྤྲིན་དང་། བ་དན་གྱི་སྤྲིན་དང་། མེ་ཏོག་གི་སྤྲིན་དང་། སྤོས་ཀྱི་སྤྲིན་དང་། རིན་པོ་ཆེའི་སྤྲིན་དང་། རོལ་མོའི་སྒྲའི
122b3 སྤྲིན་དང་། རྒྱན་གྱི་སྤྲིན་དང་། སེང་གེའི་རྒྱལ་མཚན་གྱི་རྩེ་མོའི་སྤྲིན་དང་། ལྷའི་སིལ་སྙན་དང་། ཕེག་རྡོབ་པ་དང་། ཀླུ་དབྱངས་ཀྱི་སྒྲའི་སྤྲིན་ཆགས་པ་མེད་ཅིང་སྒྲིབ་པ་མེད་ལ་མ་འདྲེས་པ། སྟོང་གསུམ
122b4 གྱི་སྟོང་ཆེན་པོ་བཅུའི་ཚད་ཙམ་གྱིས། བྱང་ཆུབ་སེམས་དཔའ་དེ་དག་ལ་གཏོར་ཅིང་མངོན་པར་གཏོར་ལ། མངོན་པར་རབ་ཏུ་གཏོར་ཏོ།། གཏོར་ཅིང་མངོན་པར་གཏོར་ལ། མངོན་པར་རབ་ཏུ་གཏོར་ནས།
122b5 ལན་གྲངས་མེད་པར་བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ལན་གྲངས་མེད་པར་བསྐོར་བ་བྱས་ཏེ། རང་རང་གི་པདྨའི་སྟན་ལ་འཁོད་དོ།། བྱང་ཆུབ་སེམས་དཔའ
122b6 གང་དག་དེ་བཞིན་གཤེགས་པའི་སྐུའི་ནང་དུ་ཆུད་པའི་འཇིག་རྟེན་གྱི་ཁམས་རྒྱ་མཚོའི་འཇིག་རྟེན་གྱི་ཁམས་དག་ནས་བྱུང་བ་དེ་དག་ཐམས་ཅད་ཀྱང་། བྱང་ཆུབ་སེམས་དཔའ་དེ་དག་གིས་བླ་ན་མེད་པ་ཡང་དག་པར
122b7 རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་པ་ཤ་སྟག་གོ། ། དེ་ནས་འཁོར་དེ་དག་འདི་སྙམ་དུ་སེམས་ཏེ། དེ་བཞིན་གཤེགས་པའི་སྐུའི་ནང་དུ་ཆུད་པའི་འཇིག་རྟེན་གྱི་ཁམས་རྣམས་སངས
iiif viewer powered by OpenSeadragon
