| e-texts navigator |
| Wylie |
371a1 བཞིན་བྱེད་དུ་འཇུག་པ་ཡིན་ནོ། ། དགེ་སློང་དག་དགེ་སྦྱོང་ངམ་བྲམ་ཟེ་གང་དག་ཁ་ཅིག་མིག་གིས་རྣམ་པར་ཤེས་པར་བྱ་བའི་གཟུགས་འདི་དག་ཉིད་བདེན་པ་དང་། གནས
371a2 པའི་སྒོ་ནས་མ་མཐོང་ཞིང་། ཇི་ལྟར་རང་རང་ལོག་པར་མོས་པ་དག་ལ་ནན་གྱི་གཟུངས་སྟེ། མངོན་པར་ཞེན་པར་བྱས་ནས། འདི་ཉིད་བདེན་གྱི་གཞན་ནི་བརྫུན་པའོ་ཞེས་ཐ་སྙད་འདོགས་པར
371a3 བྱེད་པ་དེ་དག་ནི། མིག་གིས་རྣམ་པར་ཤེས་པར་བྱ་བའི་གཟུགས་བཏང་སྙོམས་ཀྱིས་གནས་ལྟ་བུ་དག་ལ་སོ་སོ་སོ་སོར་བརྟགས་པ་མ་ཡིན་པའི་བཏང་སྙོམས་སུ་གནས་ཏེ། དགེ་སྦྱོང་དང་བྲམ
371a4 ཟེ་འདི་ཉིད་བདེན་ནོ་སྙམ་དུ་མངོན་པར་ཞེན་ཅིང་མཆོག་ཏུ་འཛིན་པའི་ཚོགས་ཀྱིས་འདུན་པས་ཀུན་ནས་སུ་ཕྱུང་བ། ང་རྒྱལ་གྱི་ཀུན་ཏུ་སྦྱོར་བ་དང་ལྡན་པ་དེ་དག་ཀྱང་བདུད་སྡིག་ཅན་ཇི་ལྟར་འདོད
371a5 པ་བཞིན་བྱེད་དུ་འཇུག་པ་ཡིན་ནོ། ། དགེ་སློང་དག་འདི་ལྟ་སྟེ་དཔེར་ན། མི་སྨྱོན་པ་སེམས་གཡེངས་པ་ནི་གཅེར་བུར་དེ་དང་དེ་དག་ཏུ་འཁྱམ་པར་བྱེད་ཅིང་། དེ་དེས་མངོན་པར་དགའ་བར་བྱེད
371a6 ལ། དེ་ལ་ཉེས་དམིགས་སུ་མ་མཐོང་བ་ལས། གང་གི་ཚེ་དེས་རང་གི་སེམས་ཕྱིར་ཐོབ་པ་དེའི་ཚེ། དེའི་སྔོན་གྱི་སྔོན་སྤྱོན་པའི་སྤྱོད་པ་དང་སེམས་གཡེངས་པའི་སྤྱོད་པ་དང་། གཅེར་བུའི་སྤྱོད་པ
371a7 དེས་གདུང་བར་བྱེད། ངོ་ཚ་བར་བྱེད། གནོད་པར་བྱེད་ཅིང་། རྣམ་པར་སྨོད་པར་བྱེད་དོ།། དགེ་སློང་དག་དེ་བཞིན་དུ་འཕགས་པ་ཉན་ཐོས་ཐོས་པ་དང་ལྡན་པ་ཡང་། འཕགས་པ
iiif viewer powered by OpenSeadragon
