| e-texts navigator |
| Wylie |
364b1 ། དབེན་པའི་དགའ་བ་ལུས་ཀྱིས་མངོན་སུམ་དུ་བྱས་ནས་བསྒྲུབས་ཏེ་གནས་པ་འདི་ལྟ་སྟེ། རབ་ཏུ་དབེན་པའི་དགའ་བ་འདི་ནི་ཞི་བའོ།། འདི་ནི་གྱ་ནོམ་པའོ་སྙམ་དུ་སེམ་པ་དེ་ཡང་ཡང་དག་པ
364b2 ཇི་ལྟ་བ་བཞིན་དུ་རབ་ཏུ་མཁྱེན་ཏོ། ། དགེ་སློང་དག་རབ་ཏུ་དབེན་པའི་དགའ་བ་དེ་ཡང་མི་རྟག་པ་དང་། འགོག་པའི་ཆོས་ཅན་ཡིན་ཏེ། རབ་ཏུ་དབེན་པའི་བདེ་བ་འགགས་པ་ལས་ཡིད་མི་བདེ
364b3 བ་འབྱུང་བར་འགྱུར་ལ། ཡིད་མི་བདེ་བ་འགགས་པ་ལས་ཀྱང་རབ་ཏུ་དབེན་པའི་དགའ་བ་འབྱུང་བར་འགྱུར་ཏེ། དགེ་སློང་དག་འདི་ལྟ་སྟེ་པེར་ན། གང་གི་ཚེ་གྲིབ་མ་འབྲི་བ་དེའི་ཚེ།
364b4 ཉི་མས་ཁྱབ་པར་བྱེད་ལ། གང་གི་ཚེ་ཉི་མ་འབྲི་བ་དེའི་ཚེ། གྲིབ་མས་ཁྱབ་པར་བྱེད་དོ།། དེ་བཞིན་དུ་རབ་ཏུ་དབེན་པའི་དགའ་བ་འགགས་པ་ལས་ཀྱང་ཡིད་མི་བདེ་བ་འབྱུང་བར་འགྱུར་ལ
364b5 ཡིད་མི་བདེ་བ་གགས་པ་ལས་ཀྱང་རབ་ཏུ་དབེན་པའི་དགའ་བ་ལ་འབྱུང་བར་འགྱུར་ཏེ། དགེ་སློང་དེ་ཡང་རགས་པ། འདུས་བྱས་པ། བསམ་པ།། རྟེན་ཅིང་འབྲེལ་པར་འབྱུང་བ
364b6 ཡིན་ཏེ། འདི་ལྟར་འདུ་བྱེད་རྣམས་ཡོད་ན། འདུ་བྱེད་རྣམས་ཀྱི་འགོག་པ་ཡང་ཡོད་པས་ན། དེ་བཞིན་གཤེགས་པས་དེ་ཡོད་པར་ཐུགས་སུ་ཆུད་ནས། དེ་ལས་ཕྱིར་ལྡོག་ཅིང
364b7 དེ་ལ་ཞི་བར་གཟིགས་ངེས་པར་འབྱུང་བར་གཟིགས་ཤིང་བཞུགས་སོ། ། དགེ་སློང་དག་གཞན་ཡང་འདི་ན་དགེ་སྦྱོང་ངམ། བྲམ་ཟེ་ལ་ལ་སྔོན་གྱི་མཐའ་དང་ལྡན་པའི་ལྟ་བའི་རྣམ་པ་དག
iiif viewer powered by OpenSeadragon
