| e-texts navigator |
| Wylie |
356a1 འདའོ་ཞེས་མངོན་པར་བརྗོད་པ་མངོན་པར་བརྗོད་པར་བྱེད་དེ། ལྔ་པོ་དེ་དག་ཡོད་ན་གསུམ་དུ་འགྱུར་ལ། གསུམ་ཡོད་ན་ལྔར་འགྱུར་ཏེ། དེ་ནི་ལྔ་གསུམ་པའི
356a2 ཆོས་ཀྱི་རྣམ་གྲངས་མདོར་བསྟན་པ་ཡིན་ནོ། ། དགེ་སློང་དག་དེ་ལ་དགེ་སྦྱོང་དང་། བྲམ་ཟེ་གང་དག་འདུ་ཤེས་ཅན་དུ་སྨྲ་བ་དེ་དག་ཁ་ཅིག་ནི། དེ་ཕན་ཆད་བདག་འདུ་ཤེས་ཅན་དུ་འགྱུར་རོ།།
356a3 ཞེས་མངོན་པར་བརྗོད་པ་མངོན་པར་བརྗོད་པར་བྱེད་པའི་དགེ་སྦྱོང་དང་། བྲམ་ཟེ་ཤེས་པ་དང་ལྡན་པ་འདུ་ཤེས་ཅན་དུ་སྨྲ་བ་དེ་དག་ཁ་ཅིག། བདག་ཡོད་པར་སྲིད་དེ། དེ་ཕན་ཆད
356a4 གཟུགས་ཅན་འདུ་ཤེས་ཅན་དུ་འགྱུར་རོ་ཞེས་བྱ་བ་དང་། གཟུགས་ཅན་མ་ཡིན་པ་དང་། འདུ་ཤེས་གཅིག་པ་དང་། འདུ་ཤེས་ཐ་དད་པ་དང་། འདུ་ཤེས་ཆུང་བ་དང་། འདུ
356a5 ཤེས་ཆེན་པོར་གྱུར་པ་དང་། འདུ་ཤེས་ཚད་མེད་པའོ་ཞེས་མངོན་པར་བརྗོད་པ་མངོན་པར་བརྗོད་པར་བྱེད་དོ།། ཡང་ཁ་ཅིག་ནི་དེ་ལས་ལྡོག་པ་ན་རྣམ་ཤེས་མཐའ་ཡས་སྐྱེ་མཆེད་ཡིན
356a6 ནོ་ཞེས་མངོན་པར་བརྗོད་པ་མངོན་པར་བརྗོད་པར་བྱེད་དེ། དེ་བཞིན་གཤེགས་པས་དགེ་སྦྱོང་དང་། བྲམ་ཟེ་གང་དག་འདུ་ཤེས་ཅན་དུ་སྨྲ་བ་དེ་དག་ཁ་ཅིག། དེ་ཕན་ཆད་བདག
356a7 འདུ་ཤེས་ཅན་དུ་འགྱུར་རོ་ཞེས་མངོན་པར་བརྗོད་པ་མངོན་པར་བརྗོད་པར་བྱེད་པའི་དགེ་སྦྱོང་དང་། བྲམ་ཟེ་ཤེས་པ་དང་ལྡན་པ། འདུ་ཤེས་ཅན་དུ་སྨྲ་བ་དེ་དག་ཁ་ཅིག་བདག་ཡོད་པར་སྲིད་དེ།
iiif viewer powered by OpenSeadragon
