| e-texts navigator |
| Wylie |
342b1 བཟང་མོ་ན་ཚོད་ལོ་བཅུ་དྲུག་ལོན་པ་དང་། ལྷག་པ་ལྟ་བུ་གཟུགས་བཟང་བ་མཛེས་པ། བལྟ་ན་འདུག་པ། ནུ་མ་རྒྱས་པར་མཛེས་པ། རྒྱན་གྱིས་བརྒྱན་པ། ཤིན་ཏུ་གཞོན་པ། རེག
342b2 ན་བདེ་བ། ནད་དང་བྲལ་བ་དེ་ལ་ཐ་ན་རྐང་པའི་མཐེ་བོས་རེག་པར་བྱེད་པའི་མི་དེ་ལ་ནི། དེ་བཞིན་གཤེགས་པ་སྔགས་པར་མི་མཛད་དེ། ཤཱ་རིའི་བུ་ཡུལ་གྱི་བཟང་མོ་དེ་ལ་ཐ་ན་རྐང་པའི་མཐེ
342b3 བོས་རེག་པར་བྱེད་པའི་མི་གང་ཟག་དེ་ལྟ་བུ་དེ་ནི་ཤིན་ཏུ་སྨད་པར་བྱ་བ་ཡིན་ཏེ། ཁྱི་རོ་དེ་ལ་འཁྱུད་པར་བྱེད་པ་འམ། སྤྱོད་པར་བྱེད་པ་འམ། མངོན་པར་དགའ་བར་བྱེད་པ་ནི་དེ་ལྟ་མ་ཡིན་ནོ།།
342b4 ཤཱ་རིའི་བུ་འདི་ཇི་སྙམ་དུ་སེམས་ཁྱི་རོ་ལ་འཁྱུད་པ་འམ། རེག་པས་སེམས་ཅན་དམྱལ་བར་འགྲོ་བར་འགྱུར་རམ། གསོལ་པ། བཅོམ་ལྡན་འདས་དེ་ནི་མ་ལགས་སོ།། བཀའ
342b5 སྩལ་པ། ཤཱ་རིའི་བུ་འདི་ལྟར་དགེ་སློང་གིས་འདོད་པ་རྣམས་ལ་ཉེས་དམིགས་ཀྱི་འདུ་ཤེས་བསྐྱེད་པར་བྱའོ།། ཤཱ་རིའི་བུ་ཇི་ལྟར་ན། དགེ་སློང་གིས་ལུས་ལ་ཉེས་དམིགས་ཀྱི་འདུ་ཤེས
342b6 བསྐྱེད་པར་བྱ་ཞེ་ན། ཤཱ་རིའི་བུ་ལུས་འདི་ནི་གནོད་པ་མང་བའོ།། འཁྲུག་པ་མང་བའོ།། ཤཱ་རིའི་བུ་བུད་མེད་ཀྱི་ལུས་ལ་ནི་སྐྱེས་པའི་ལུས་ལ་ཡོད་པ་ལྟ་བུ་མ་ཡིན་པ་ཆེས་ལྷག
342b7 པའི་སྲིན་བུའི་ཚོགས་ཉི་ཤུ་རྩ་ལྔ་ཡོད་དེ། ཤཱ་རིའི་བུ་བུད་མེད་ཀྱི་མགོ་ཀླད་པའི་ནང་ན་སྲིན་བུའི་ཚོགས་འཕྲོག་བྱེད་ཅེས་བྱ་བ་དག་ཡོད་དེ། དེ་དག་བུད་མེད་ཀྱི་ཀླད་པ་ལ་ཟ་བར
iiif viewer powered by OpenSeadragon
