| e-texts navigator |
| Wylie |
341b1 ལ་སྐུར་པ་འདེབས་པ་དང་། བདག་ནི་སངས་རྒྱས་རྣམས་ཀྱིས་ཡོངས་སུ་སྤངས་པ་དང་། བདག་ནི་ཉན་ཐོས་རྣམས་ཀྱི་ཡོངས་སུ་སྤངས་པ་དང་། བདག་ནི་ལྷ་རྣམས་ཀྱི་ཡོངས་སུ་སྤངས་པའོ།།
341b2 སྙམས་པ་དང་། འཆི་བའི་ཚེ་འཇིགས་པ་དང་བཅས་པ་དང་། ངན་འགྲོར་འགྲོ་བ་དང་། མིའི་ལུས་ཐོབ་པར་དཀའ་བའོ།། ཤཱ་རིའི་བུ་དེ་དག་ནི་དགེ་སློང་ཚུལ་ཁྲིམས་འཆལ་པའི་འཆལ
341b3 པའི་ཚུལ་ཁྲིམས་ཀྱི་ཉེས་པ་སྟེ། ཚུལ་ཁྲིམས་འཆལ་པ་ནི་འཆི་བའི་དུས་ཀྱི་ཚེ། གདུང་བ་འབྱུང་བར་འགྱུར་རོ།། ཤཱ་རིའི་བུ་དེ་ལྟ་བས་ན། འདོད་པ་རྣམས་ལ་ཉེས་དམིགས་ཀྱི་འདུ
341b4 ཤེས་བསྐྱེད་པར་བྱའོ། ། ཤཱ་རིའི་བུ་འདི་ལ་དགེ་སློང་དགོན་པ་ན་གནས་པ་འམ། ཤིང་དྲུང་ན་གནས་པ་འམ། ཁང་སྟོང་ན་གནས་པའམ། བླ་གབ་མེད་པ་ན་གནས་པའི་འདོད་པ་རྣམས
341b5 ནི་དྲིང་བའོ། ། འདོད་པ་རྣམས་ནི་མི་མཐུན་པའོ།། འདོད་པ་རྣམས་ནི་རྨ་ཁ་ལྟ་བུའོ།། འདོད་པ་རྣམས་ནི་ལྟ་བར་མི་འོས་པའོ།། འདོད་པ་རྣམས་ནི་སྨད་པར་བྱ་བའོ།། འདོད་པ་རྣམས
341b6 ནི་ཤང་བས་ཡོངས་སུ་གང་བའི་རོ་ལྟ་བུའོ་ཞེས་དེ་ལྟར་སོ་སོ་ཡང་དག་པར་སློབ་བོ། ། དེ་དག་ནི་བྱིས་པ་འཕྱར་བའི་སྤྱོད་ཡུལ་ཡིན་ཏེ། ཤཱ་རིའི་བུ་བུད་མེད་ལ་བསྟེན་པ་དང་བསྟེན་པས་ཆོག་གོ།།
341b7 ཤཱ་རིའི་བུ་བུད་མེད་ཀྱི་ལུས་ཕྱི་ས་དང་། འཆིལ་མས་ཡོངས་སུ་གང་བ་དེ་ལ་སུ་ཞིག་དགའ་སྟེ། ཤཱ་རིའི་བུ་དེ་དག་ནི་འཇིག་རྟེན་གྱི་ཁྱི་རོ་རུལ་པ་དང་འདྲ་བར་སྨད་པར་བྱ་བ་ཡིན་ནོ།། ཤི་རིའི་བུ
iiif viewer powered by OpenSeadragon
