| e-texts navigator |
| Wylie |
340a1 རྣོ་ཞིང་མཆུ་ཁ་གཉིས་ན་ཡོད་ལ། ཁ་ཟས་ཡོངས་སུ་ཟོས་པའི་རྣམས་ཀྱིས་ཚིམ་པར་བྱེད་པར་མི་འགྱུར་ཞིང་། དེ་དག་མེ་སྤུངས་པའི་དྲུང་དུ་འདུག་ན། ཇི་ཙམ་ན
340a2 སྲོག་ཆགས་དེ་དག་མེས་གདུངས་པར་གྱུར་པ་དང་། དེ་ལ་ཕྱིར་ཞིང་ཟ་བར་བྱེད། ཡོངས་སུ་ཟ་བར་བྱེད་ན། ཤཱ་རིའི་བུ་འདི་ཇི་སྙམ་དུ་སེམས།། མི་དེ་སྲོག་ཆགས་དེ་དག་གིས་ཟོས་པ་ཡིན
340a3 ནམ། འོན་ཏེ་མ་ཟོས། དེ་སྐད་ཅེས་བཀའ་སྩལ་པ་དང་། ཚེ་དང་ལྡན་པ་ཤཱ་རིའི་བུས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ནི་འདི་ཐོས
340a4 པ་ཉིད་ཀྱིས་ལུས་ཀྱི་སྤུ་ཟིང་ཞེས་བགྱིད་པར་གྱུར་ན། མི་དེའི་མི་མཐུན་པ་ལྟ་སྨོས་ཀྱང་ཅི་འཚལ་ཏེ། བཅོམ་ལྡན་འདས་མི་ནི་སྲོག་ཆགས་ཀྱི་རིག་དེ་དག་གིས་འཚལ་བ་ལགས་ཀྱི་མ་འཚལ་བ་ནི་མ
340a5 ལགས་སོ། ། དེ་སྲོག་ཆགས་བརྒྱད་ཁྲི་བཞི་སྟོང་པོ་དེ་དག་གིས་ལུས་གཡའ་བར་བགྱིད་ཅིང་། འདི་ལྟར་ཞི་བར་མི་བགྱིད་ལ་བདེ་བ་ཐོབ་པར་ཡང་མི་བགྱིད་པ་ལགས་སོ།། ཤཱ་རིའི་བུ་འདི་ཇི་སྙམ
340a6 དུ་སེམས། མི་དེའི་ལུས་རྣག་དང་ཁྲག་འཛག་ཅིང་། དེ་ལྟ་བུར་གྱུར་པ་དེ་སྨད་པར་བྱ་བ་ཡིན་ནམ། གསོལ་པ། སྨད་པར་བགྱི་བ་ལགས། མི་མཐུན་པ་ལགས། བལྟ་བར་མི་འོས
340a7 པ་ལགས་སོ། ། བཀའ་སྩལ་པ། ཤཱ་རིའི་བུ་དེ་བཞིན་དུ་དགེ་སློང་མཁས་པ་དག་ནི་འདི་ལ་སོ་སོ་ཡང་དག་པར་སློབ་སྟེ། བུད་མེད་ནི་འདི་ལྟར་བཙོག་པ། འདི་ལྟར་དྲིང་བ། འདི་ལྟར་མི
iiif viewer powered by OpenSeadragon
