| e-texts navigator |
| Wylie |
337b1 ལུས་ལ་མཚོན་གྱིས་མ་བཏབ་པར་ཅིའི་ཕྱིར་དེ་དག་བྱིན་པ་ན་བར་འགྱུར་སྙམ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་ཤཱ་རིའི་བུས། འདི་སྐད་ཅེས
337b2 གསོལ་ཏོ། ། བཅོམ་ལྡན་འདས་ཟ་མ་འམ་མ་ནིང་ནི་བཙུན་མོའི་འཁོར་སྲུང་བ་ལགས་ཏེ། དེ་དག་བུད་མེད་སྡུག་གུ་མཐོང་ནས། འདོད་ཆགས་ཀྱི་སེམས་སྐྱེ་ལགས་སོ།། དེ་དག་འདོད་ཆགས
337b3 ཀྱིས་སེམས་ཀྱིས་ཉོན་མོངས་པ་ཁོལ་བར་གྱུར་ཏེ། ཉོན་མོངས་པ་ཁོལ་བ་དེ་དག་གི་ལུས་ཁུ་ཆུས་རྒྱས་པར་འགྱུར་བས། དེ་དག་འདོད་ཆགས་ཀྱིས་གདུང་བས་གདུངས་པ་ན། བྱིན་པ་ཤིན་ཏུ་གས
337b4 པར་འགྱུར་ལགས་ཏེ། དེ་ལྟར་དེ་དག་གི་ལུས་མ་རུང་བར་འགྱུར་ལགས་སོ།། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས
337b5 བཀའ་སྩལ་ཏོ། ། ཤཱ་རིའི་བུ་ཟ་མ་འམ་མ་ནིང་ལས་གང་དག་བདེ་འགྲོ་མཐོ་རིས་ཀྱི་འཇིག་རྟེན་དུ་སྐྱེ་བ་ནི་ཉུང་སྟེ། ཕལ་ཆེར་སེམས་ཅན་དམྱལ་བར་འགྲོ་བར་འགྱུར་རོ།། ཤཱ་རིའི་བུ་དགེ
337b6 སྦྱོང་ཤཱཀྱའི་བུ་རྣམས་ལས་གང་དག་འདོད་ཆགས་ཀྱིས་འཕྲོགས་པར་མི་འགྱུར་བའི་ཁྱད་པར་ལ་ལྟོས། དེ་ཅིའི་ཕྱིར་ཞེ་ན། འདོད་པ་རྣམས་ནི་དངོས་པོ་མེད་པར་ཤེས། འདོད་པ་རྣམས
337b7 ནི་མི་གཙང་བར་ཤེས་ནས་དེ་དག་འདོད་པ་རྣམས་ཀྱིས་སྐྱོ་ཞིང་ཡིད་བྱུང་ལ་མངོན་པར་མི་དགའ་ནས། ཚངས་པར་སྤྱོད་པ་སྤྱོད་དེ། བཞིན་དང་དཔྲལ་བའི་མདངས་གསལ་བ་ཡིན་ནོ།། ཤཱ
iiif viewer powered by OpenSeadragon
