| e-texts navigator |
| Wylie |
337a1 ཐམས་ཅད་སྐྱེ་བ་མེད་པ་འདི་ནི། ཆོས་ཀྱི་ཕུང་པོའི་རྗེས་སུ་འཇུག་པ་དང་པོ་ཡིན་ན།། ཤཱ་རིའི་བུ་ཆོས་འགའ་ཞིག་ལ་ཆོས་ཞེས་འམ། ཆོས་གང་ཡང་སྐྱེ་བ་འམ
337a2 འགག་པ་ཞེས་ང་མི་སྨྲའོ། ། དེ་ཅིའི་ཕྱིར་ཞེ་ན། ཤཱ་རིའི་བུ་ཆོས་ཐམས་ཅད་ནི་སྐྱེ་བ་མེད་པའི་ཆོས་ཅན་དང་། འགག་པ་མེད་པའི་ཆོས་ཅན་ཡིན་པའི་ཕྱིར་རོ།། ཤཱ་རིའི་བུ་འདི་ལྟ་སྟེ། དཔེར
337a3 ན། མ་ནིང་ནི་སྐྱེས་པ་འམ། བུད་མེད་ཅེས་བྱ་བའི་མིང་མི་ཐོབ་ཅིང་། སྐྱེས་པ་འམ། བུད་མེད་ཅེས་བརྗོད་པར་བྱ་བ་མ་ཡིན་ནོ།། དེ་ཅིའི་ཕྱིར་ཞེ་ན། ཤཱ་རིའི་བུ་དེ་ནི་སྐྱེས་པ་འམ་བུད་མེད་དུ
337a4 གདགས་སུ་མེད་པའི་ཕྱིར་རོ། ། ཤཱ་རིའི་བུ་དེ་བཞིན་དུ་ཆོས་ཐམས་ཅད་དེ་བཞིན་གཤེགས་པས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། དེའི
337a5 ཕྱིར་ཆོས་ཀྱིས་ཆོས་རབ་ཏུ་ཤེས་སོ། ། ཞེས་བརྗོད་པར་མི་བྱའོ།། ཤཱ་རིའི་བུ་འདི་ལྟ་སྟེ་དཔེར་ན། ཟ་མ་འམ་མ་ནིང་ནི་འདོད་པའི་འདོད་ཆགས་སྤང་བ་ཡང་མ་ཡིན་ལ། འདོད་པ་ལ་རྟེན་པ་ཡང
337a6 མ་ཡིན་ནོ། ། ཤཱ་རིའི་བུ་དེ་དག་གིས་བུད་མེད་སྡུག་གུ་མཐོང་ནས། འདོད་ཆགས་ཀྱི་སེམས་སྐྱེས་པས། ཟ་མ་འམ་མ་ནིང་རྣམས་ལས་ཕལ་ཆེར་བྱིན་པ་ནད་ཀྱིས་བཏབ་པར་འགྱུར། བྱིན
337a7 བ་ཟག་པར་འགྱུར། བྱིན་པར་འཁར་བ་ལྟ་བུར་འགྱུར། བཞིན་དམར་པོར་འགྱུར་རོ།། ཤཱ་རིའི་བུ་འདི་ཇི་སྙམ་དུ་སེམས། ཟ་མ་འམ་མ་ནིང་གང་ཡིན་པ་དེས་ལ་མ་འགྱེལ། དེའི
iiif viewer powered by OpenSeadragon
