| e-texts navigator |
| Wylie |
335b1 དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དམ་པའི་ཆོས་ཡོངས་སུ་འཛིན་པ་དེ་དག་ལ་ལེགས་སོ་ཞེས་བྱ་བ་བྱིན་ཏེ། སྐྱེས་བུ་དམ་པ་དག་འདི་ལྟར་ཁྱེད་ཅག་སེམས་ཅན་ཐམས་ཅད་ལ
335b2 ཕན་པ་དང་། བདེ་བའི་ཕྱིར་དམ་པའི་ཆོས་ཡོངས་སུ་གཟུང་བར་སྤྲོ་བ་ནི་ལེགས་སོ་ལེགས་སོ།། འདི་ནི་ཁྱེད་དང་འཚམ་མོ།། དམ་པའི་ཆོས་ཡོངས་སུ་འཛིན་པ་ནི། བྱང་ཆུབ་སེམས་དཔའ་རྣམས
335b3 ཀྱི་ཡང་དག་ཕུལ་གྱི་ཆོས་སོ། ། བྱང་ཆུབ་སེམས་དཔས་རྟག་ཏུ་དམ་པའི་ཆོས་ཡོངས་སུ་བཟུང་བ་ལ་བརྩོན་པར་བྱའོ།། རིགས་ཀྱི་བུ་དག་ཆོས་ཡང་དག་པར་བརྗོད་པ་དང་རབ་ཏུ་ལྡན་པའི་ཆོས་ཀྱི
335b4 རྣམ་གྲངས་འདི་བཟུང་བ་དང་། ཀློགས་པ་དང་། ཀུན་ཆུབ་པར་བྱས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། སྐྱེ་བ་མེད་པ་དང་། འགག་པ་མེད་པའི་སྐུ་ནི་ཆོས་ཀྱི་སྐུའོ།། ཆོས་ཀྱི་སྐུ་ནི་སངས་རྒྱས
335b5 ཀྱི་སྐུའོ་ཞེས་སངས་རྒྱས་ལ་སྣང་བ་ཆེན་པོ་ཐོབ་པར་འགྱུར་རོ། ། ཆོས་ཐམས་ཅད་ནི་མ་བྱས་པ་འདུས་མ་བྱས་པའོ་ཞེས་ཆོས་ལ་སྣང་བ་ཆེན་པོ་ཐོབ་པར་འགྱུར་རོ།། ངའི་བ་མེད་པ་དང་ཡོངས་སུ
335b6 འཛིན་པ་མེད་པ་ནི། བཅོམ་ལྡན་འདས་ཀྱི་སློབ་མའི་དགེ་འདུན་ནོ་ཞེས། དགེ་འདུན་ལ་སྣང་བ་ཆེན་པོ་ཐོབ་པར་འགྱུར་རོ།། སྙིང་རྗེ་ཆེན་པོ་ནི་བྱང་ཆུབ་སེམས་དཔའི་བསླབ་པའི་རྩ་བའོ་ཞེས
335b7 བྱང་ཆུབ་སེམས་དཔའ་བསླབ་པ་རྣམས་ལ་སྣང་ལ་སྣང་བ་ཐོབ་པར་འགྱུར་རོ། ། ངེས་པའི་ཚིག་ཐམས་ཅད་ནི་སྐྱེ་བ་མེད་པའི་ངོ་བོ་ཉིད་དོ་ཞེས་སྤོབས་པའི་སྣང་བ་ཐོབ་པར་འགྱུར་རོ།། རིགས་ཀྱི་བུ
iiif viewer powered by OpenSeadragon
