| e-texts navigator |
| Wylie |
331a1 བརྩམས་པས་མངོན་པར་ཤེས་པ་མྱུར་བ་དང་། ཏིང་ངེ་འཛིན་རབ་ཏུ་བྱིན་པས་མདོམས་ཀྱི་སྦ་བ་སྦུབས་སུ་ནུབ་པ་དང་། སྤྱོད་ལམ་ཡང་དག་པར་རབ་ཏུ་བྱིན་པས་ཀུན་ཏུ
331a2 མཛེས་པ་དང་། དགེ་བའི་བཤེས་གཉེན་ལ་སྦྱོར་བས། སངས་རྒྱས་དང་། བྱང་ཆུབ་སེམས་དཔའ་དང་། ཉན་ཐོས་དང་། རང་སངས་རྒྱས་རྣམས་དང་འགྲོགས་པ་དང་། འདོ།
331a3 པ་ཡོངས་སུ་གཏོང་བས་འཇིག་རྟེན་ཐམས་ཅད་ཡིད་ཆེས་པ་དང་། ཁྲོ་བ་ཡོངས་སུ་འདོར་བས་འཇིག་རྟེན་ཐམས་ཅད་དགའ་བ་དང་། པྲ་དོག་ཡོངས་སུ་འདོར་བས་རྙེད་པ་ཐམས་ཅད་ཀྱི
331a4 མཆོག་དང་། གྲགས་པའི་མཆོག་དང་། གནས་བྱིན་པས་འཇིག་རྟེན་ཐམས་ཅད་སྟོན་པ་དང་། རྙེད་པ་དང་། བཀུར་སྟི་དང་། ཚིགས་སུ་བདུད་པ་རབ་ཏུ་བྱིན་པས་ཆོས་ལ་རབ་ཏུ
331a5 དགའ་བ་དང་། གྲགས་པའི་སྒྲ་དང་། གསོང་པོར་སྨྲ་བས་ངག་ཡོངས་སུ་དག་པ་དང་། སྙན་པར་སྨྲ་བས་ཚངས་པའི་སྒྲ་དང་། འཇམ་པོར་སྨྲ་བས་བྱ་ཀ་ལ་བིངྐའི་སྒྲ་སྐད་དང
331a6 ཁོང་ཁྲོ་བ་མེད་པའི་སེམས་ཀྱིས་འཇིག་རྟེན་ཐམས་ཅད་དུ་གྲགས་པ་དང་། སེམས་ཅན་ཐམས་ཅད་ལ་མི་སླུ་བས་དབང་གཅིག་པོར་འགྱུར་བ་དང་། ལྟུང་བ་མེད་གླེང་བས། མངལ་གྱི
331a7 གནས་ལས་ཡང་དག་པར་འདའ་བ་དང་། སྲོག་གཅོད་པ་སྤོང་བས་ཚེ་དཔག་ཏུ་མེད་པ་དང་། རྐུན་པོ་ཡོངས་སུ་སྤོང་བས་ནམ་མཁའ་མཛོད་དང་། སྡུག་པའི་དངོས་པོ་ཡོངས་སུ་གཏོང་བས
iiif viewer powered by OpenSeadragon
