| e-texts navigator |
| Wylie |
195a1 བའི་ལས་བྱེད་པས་ལས་ཀྱི་རྣམ་པར་སྨིན་པ་མཁྱེན་པའི་སྟོབས་ཐོབ་པར་འགྱུར་རོ།། སེམས་ཅན་ཡེ་ཤེས་ཀྱི་ལམ་ལ་སྦྱོར་བ་དང་། ཕ་རོལ་མི་ཤེས་པ་ལ་མི་བརྙས
195a2 པས་དབང་པོ་མཆོག་དང་མཆོག་མ་ཡིན་པ་མཁྱེན་པའི་སྟོབས་ཐོབ་པར་འགྱུར་རོ། ། རྟེན་ཅིང་འབྲེལ་བར་འབྱུང་བ་ཕྲག་པ་ཁོང་དུ་ཆུད་པས་ཁམས་སྣ་ཚོགས་མཁྱེན་པའི་སྟོབས་ཐོབ་པར
195a3 འགྱུར་རོ། ། སེམས་ཅན་ཐམས་ཅད་དཀོན་མཆོག་གསུམ་ལ་འཛུད་པ་དང་། མོས་པར་བྱེད་པས་མོས་པ་སྣ་ཚོགས་མཁྱེན་པའི་སྟོབས་ཐོབ་པར་འགྱུར་རོ།། ཐམས་ཅད་དུ་སྤྱོད་ལམ་རྣམ་པར་མི
195a4 འཁྲུགས་པ་དང་། སེམས་ཅན་ཐམས་ཅད་ལ་མཚུངས་པར་ཆོས་སྟོན་པས། ཐམས་ཅད་དུ་འགྲོ་བའི་ལམ་མཁྱེན་པའི་སྟོབས་ཐོབ་པར་འགྱུར་རོ།། སེམས་ཅན་བསམ་གཏན་གྱི་ལམ་ལ་སྦྱོར་བས
195a5 བསམ་གཏན་དང་། ཏིང་ངེ་འཛིན་དང་། སྙོམས་པར་འཇུག་པའི་ཀུན་ནས་ཉོན་མོངས་པ་དང་། རྣམ་པར་བྱང་བ་དང་། ལྡང་བ་མཁྱེན་པའི་སྟོབས་ཐོབ་པར་འགྱུར་རོ།། སེམས་ཅན་ལམ
195a6 སྟོར་བ་རྣམས་ལ་ལམ་ཉེ་བར་སྟོན་པས་ལྷའི་མིག་མཁྱེན་པའི་སྟོབས་ཐོབ་པར་འགྱུར་རོ། ། སེམས་ཅན་ཐམས་ཅད་ལ་དྲན་པ་རབ་ཏུ་སྦྱིན་པས་སྔོན་གྱི་གནས་རྗེས་སུ་དྲན་པ་མཁྱེན་པའི་སྟོབས་ཐོབ
195a7 པར་འགྱུར་རོ། ། སེམས་ཅན་ཐམས་ཅད་ལ་རྣམ་པར་བྱང་བའི་ལམ་ཉེ་བར་སྟོན་པས། ཟག་པ་ཟད་པ་མཁྱེན་པའི་སྟོབས་ཐོབ་པར་འགྱུར་རོ།། སེམས་ཅན་མང་དུ་ཐོས་པ་ལ་སྦྱོར་བས་མི
iiif viewer powered by OpenSeadragon
