| e-texts navigator |
| Wylie |
193b1 སེམས་དཔའ་ཆེན་པོ་ཤིན་ཏུ་རྣམ་པར་དག་པ། ཏིང་ངེ་འཛིན་ལ་རྟག་ཏུ་སྤྱོད་ཡུལ་བ། ཐམས་ཅད་མཁྱེན་པའི་ཡེ་ཤེས་ཀྱི་ཡུལ་དང་སྤྱོད་ཡུལ་ལ་གནས་པ། ཆོས་ཀྱི་དབྱིངས་མཐའ་དང་དཔུང་མེད་པ
193b2 དམ་པའི་ཕ་རོལ་ཏུ་ཕྱིན་པ། བྱང་ཆུབ་སེམས་དཔའི་བར་ནག་པ་དང་། བསམ་པ་ཐམས་ཅད་ཡོངས་སུ་རྫོགས་པ། བྱང་ཆུབ་སེམས་དཔའི་དབང་ཐམས་ཅད་ཤིན་ཏུ་རྟོག་པར་ཁོང་དུ་ཆུད་པ། མཐར
193b3 ཐུག་པའི་གནས་བཅུ་ཐོབ་པ། ཡོན་ཏན་གྱི་རྒྱན་དཔག་ཏུ་མེད་པས་བརྒྱན་པ། བྱང་ཆུབ་སེམས་དཔའི་ཏིང་ངེ་འཛིན་དང་། གཟུངས་དང་བཟོད་པ་དང་། སོ་སོ་ཡང་དག་པར་རིག་པ་རྟོགས་པར
193b4 ཁོང་དུ་ཆུད་པ་ཤ་སྟག་དང་། ལྷ་དང་ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའི་ལྡིང་དང་མིའམ་ཅི་དང་། ལྟོ་ཕྱེ་ཆེན་པོ་དང་། བརྒྱ་བྱིན་དང་། ཚངས་པ་དང
193b5 འཇིག་རྟེན་སྐྱོང་བ་གཟི་བརྗིད་ཆེ་བ། བརྒྱ་སྟོང་དང་། གཡོག་བརྒྱ་སྟོང་དུ་མ་དང་ཡང་ཐབས་ཅིག་ཏུ་བཞུགས་སོ།། དེའི་ཚེ་ན། བཅོམ་ལྡན་འདས་ཆོས་ཐམས་ཅད་ཀྱི་གོར་མིས་ཀྱི་ཚུལ་གྱི་སྒོ་ལ
193b6 འཇུག་ཞེས་བྱ་བ་ཆོས་ཀྱི་རྣམ་གྲངས་ཆེན་པོ་སྟོན་ཏོ། ། འདི་ལྟ་སྟེ། འཕགས་པ་རྣམས་མཐོང་བས་དད་པ་ཐོབ་པར་འགྱུར་རོ།། དད་པ་ཐོབ་པས་དགེ་བའི་ཆོས་ལ་འདུན་པ་མཐོང་བར་འགྱུར་རོ།། །
193b7 དགེ་བའི་ཆོས་ལ་འདུན་པས་རྒྱུན་ཏུ་ཆུད་པ་ཐོབ་པར་འགྱུར་རོ།། རྒྱུན་ཏུ་ཆུད་པ་ཐོབ་པས་དོན་རྙེད་པར་འགྱུར་རོ།། དོན་རྙེད་པས་བདག་པོ་ཐོབ་པར་འགྱུར་རོ།། བདག་པོ་ཐོབ་པས་སྨིན་པ་ཐོབ་པར
iiif viewer powered by OpenSeadragon
