| e-texts navigator |
| Wylie |
192b1 ན་གནས་པར་ཡང་བྱ་བ་ནི། ཆུ་བོ་བཞིས་ཁྱེར་བའི་སེམས་ཅན་སྒྲོལ་བའི་ཕྱིར་ཏེ་དེ་ནི་ཚུལ་ལོ།། རིགས་ཀྱི་བུ་དག་དེ་ལྟ་བས་ན་ཚད་ཡོད་པ་ལ་ཡང་སོ་སོར་རྟོག་པར་གྱིས་ཤིག། ཚད་མེད་པ་ལ་ཡང
192b2 མཉམ་པ་ཉིད་དུ་ཁོང་དུ་ཆུད་པར་གྱིས་ཤིག། གསོལ་པ། བཅོམ་ལྡན་འདས་ཇི་ལྟར་ན། བྱང་ཆུབ་སེམས་དཔའ་རྣམས་ཚད་མཆིས་པ་ལ་ཡང་སོ་སོར་རྟོག་པར་ལགས། ཇི་ལྟར་ན་ཚད་མ
192b3 མཆིས་པ་ཡང་མཉམ་པ་ཉིད་ཁོང་དུ་ཆུད་པར་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དག་ཚད་ཡོད་པ་ཞེས་བྱ་བ་ནི་འདུས་བྱས་སོ།། ཚད་མེད་པ་ཞེས་བྱ་བ་ནི
192b4 འདུས་མ་བྱས་སྟེ། དེ་ལ་བྱང་ཆུབ་སེམས་དཔས་འདུས་བྱས་ཀྱང་སྤང་བར་མི་བྱ་སྟེ། འདུས་བྱས་སུ་རྟོག་པའི་ཉོན་མོངས་པ་རྣམས་དང་ཡང་འགྲོགས་པར་མི་བྱའོ།། འདུས་མ་བྱས་ལ་ཡང
192b5 རྟག་པར་བྱ་སྟེ། སྐྱོན་མེད་པར་ཡང་འཇུག་པར་མི་བྱའོ།། འདུས་བྱས་དང་། འདུས་མ་བྱས་གཅིག་པའི་མཚན་ཉིད་དང་ལྡན་པའི་ཤེས་རབ་ཀྱིས་བྱང་ཆུབ་ཀྱི་སྙིང་པོར་མཉམ་པ་ཉིད་དུ
192b6 མངོན་པར་རྫོགས་པར་སངས་རྒྱས་པར་བྱ་སྟེ་དེ་ནི་ཚུལ་ལོ། ། ཚུལ་གྱི་ཚིག་འདི་དག་བསྟན་པའི་ཚེ། ལྷའི་བུ་བརྒྱད་སྟོང་ནི་བྱང་ཆུབ་ཏུ་སེམས་བསྐྱེད་པར་གྱུར་ཏོ།། བྱང་ཆུབ་སེམས་དཔའ་ལྔ
192b7 བརྒྱ་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དེ་དག་དང་། ལྷ་དང
iiif viewer powered by OpenSeadragon
