| e-texts navigator |
| Wylie |
177a1 གཞན་གྱི་སེམས་སྲུང་བ་ཡིན། བྱང་ཆུབ་ཀྱི་སེམས་མི་གཏོང་བས་སེམས་དཔའ་བ་ཅན་ཡིན་ཏེ་དེ་ནི་ཚུལ་ལོ།། རིགས་ཀྱི་བུད་དག་དེ་ལྟ་བས་ན་བྱ་བ་དང་ས་འགའ་བར་མ་བྱེད་ཅིག
177a2 བྱ་བ་མ་ཡིན་པ་ལ་ཡང་སྣང་བར་གྱིས་ཤིག། བྱ་བ་ལ་ལན་རེ་བ་མེད་པར་གྱིས་ཤིག། གསོལ་པ། བཅོམ་ལྡན་འདས་ཇི་ལྟར་ན། བྱང་ཆུབ་སེམས་དཔའ་རྣམས་བགྱི་བ་དང་མི་འགལ་བར་བགྱིད
177a3 པ་ལགས། ཇི་ལྟར་ན་མི་བགྱི་བ་ལ་ཡང་འདའ་བ་ལགས། ཇི་ལྟར་ན་བགྱིས་པ་ལ་ལན་རེ་བ་མ་མཆིས་པ་ལགས། བཀའ་སྩལ་པ། བྱ་བ་དང་འགལ་བར་མི་བྱ་བ་ནི་རྟེན་ཅིང་འབྲེལ་བར་འབྱུང་བའི
177a4 ཆོས་ལ་འཇུག་པའམ། ལས་ཀྱི་རྣམ་པར་སྨིན་པ་ལ་ཡིད་ཆེས་པར་བྱའོ།། བྱ་བ་མ་ཡིན་པལ་སྣང་བ་ནི་སྙིང་རྗེ་ཆེན་པོ་ལ་འཇུག་པའོ།། བྱས་པ་ལ་ལན་རེ་བ་མེད་པ་ནི་ལན་དུ་ཕན་འདོགས་པར་རེ་བ་མེད་པ
177a5 སྟེ་དེ་ནི་ཚུལ་ལོ། ། རིགས་ཀྱི་བུ་དག་དེ་ལྟ་བས་ན་དུས་མ་ཡིན་པར་ནི་མ་ལྡང་ཤིག། དུས་ལ་བབ་ན་ནི་མ་ཉལ་ཅིག། ཉལ་བ་རྣམས་ནི་སློང་ཤིག། རྟག་ཏུ་ནི་ཉོལ་ཅིག། གསོལ་པ། བཅོམ་ལྡན
177a6 འདས་ཇི་ལྟར་ན། བྱང་ཆུབ་སེམས་དཔའ་རྣམས་དུས་མ་ལགས་པར་མི་ལྡང་བ་ལགས། ཇི་ལྟར་ན་དུས་ལ་བབ་ན་མི་ཉལ་བ་ལགས། ཇི་ལྟར་ན་ཉལ་བ་རྣམས་སློང་བ་ལགས། ཇི་ལྟར་ན་རྟག་ཏུ
177a7 ཉལ་བ་ལགས། བཀའ་སྩལ་པ། དུས་མ་ཡིན་པར་མི་ལྡང་བ་ནི། སྣོད་དུ་མ་གྱུར་པ་རྣམས་ལ་ཆོས་མི་བསྟན་པའོ།། དུས་ལ་བབ་ན་མི་ཉལ་བ་ནི་སྣོད་དུ་གྱུར་པ་ལས་འདའ་བར་མི་བྱའོ།། ཉལ་བ
iiif viewer powered by OpenSeadragon
