| e-texts navigator |
| Wylie |
176b1 བྱང་ཆུབ་སེམས་དཔའ་དེ་དག་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་དེ་དག་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་དག་དེ་ལྟ་བས་ན། མྱ་ངན་ལས་འདས་པའི
176b2 བསམས་པ་ཅན་དུ་གྱིས་ཤིག། འཁོར་བར་སྦྱོར་བ་ཅན་གྱིས་ཤིག། འཁོར་བ་དང་མྱ་ངན་ལས་འདས་པ་ལ་ཡང་གནས་པར་མ་བྱེད་ཅིག། དེ་དག་གིས་གསོལ་པ། བཅོམ་ལྡན་འདས་ཇི་ལྟར
176b3 ན་བྱང་ཆུབ་སེམས་དཔའ་རྣམས་མྱ་ངན་ལས་འདས་པའི་བསམ་པ་ཅན་དང་། འཁོར་བར་སྦྱོར་བ་ཅན་ལགས། ཇི་ལྟར་འཁོར་བ་དང་མྱ་ངན་ལས་འདས་པ་ལ་ཡང་མི་གནས་པ་ལེགས། བཅོམ
176b4 ལྡན་འདས་ཀྱིས་བཀའ་སྩལ་པ། འཆི་བ་མེད་པའི་བདེ་བ་ལ་རེག་པར་བྱ་བའི་ཕྱིར་མྱ་ངན་ལས་འདས་པའི་བསམ་པ་ཅན་ཡིན། དགེ་བའི་རྩ་བ་བསགས་པའི་ཕྱིར་འཁོར་བར་སྦྱོར་བ་ཅན་ཡིན། འཕགས
176b5 པདང་སོ་སོའི་སྐྱེ་བོ་དང་བསྟེན་པའི་ཕྱིར་འཁོར་བ་དང་མྱ་ངན་ལས་འདས་པ་ལ་ཡང་མི་གནས་ཏེ་དེ་ནི་ཚུལ་ལོ། ། རིགས་ཀྱི་བུ་དེ་ལྟ་བས་ན་རང་གི་སེམས་ཡོངས་སུ་སྦྱོངས་ཤིག། ཕ་རོལ་གྱི་སེམས་སྲུངས
176b6 ཤིག། སེམས་སྤངས་ཤིག། སེམས་དཔའ་བ་ཅན་དུ་གྱིས་ཤིག། གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་རང་གི་སེམས་ཡོངས་སུ་སྦྱོང་བར་བགྱིད་པ་ལགས
176b7 ཇི་ལྟར་ན་གཞན་གྱི་སེམས་སྲུང་བ་ལགས། ཇི་ལྟར་ན་སེམས་དཔའ་བ་ཅན་ལགས་བཀའ་སྩལ་པ། ཉོན་མོངས་པསེལ་བས་རང་གི་སེམས་ཡོངས་སུ་སྦྱོང་བར་བྱེད་པ་ཡིན། ཁོང་ཁྲོ་བ་མེད་པས
iiif viewer powered by OpenSeadragon
