| e-texts navigator |
| Wylie |
174a1 ལེགས་པ་བཞི་འབྱུང་བར་འགྱུར་ཏེ། བཞི་གང་ཞེ་ན། ཁྲོན་པ་དང་། ཆུ་མིག་དང་། ལྡན་པར་འགྱུར་བ་དང་། གནོད་པ་མེད་པར་འགྱུར་བ་དང་། ལས་ཀྱི་མཐའ་འགྲུབ
174a2 པར་འགྱུར་བ་དང་། སྦྱིན་པའི་གནས་སྣོད་དུ་གྱུར་པ་རྣམས་དང་མི་འབྲལ་བར་འགྱུར་རོ།། གཞན་ཡང་ཡུལ་གང་དུ་བཟོད་པ་འདི་འཆད་པར་འགྱུར་བའི་ཡུལ་དེར་བུད་མེད་རྣམས་ཀྱི་ལེགས་པ
174a3 བའི་འབྱུང་བར་འགྱུར་ཏེ། བཞི་གང་ཞེ་ན། ཡུལ་དེའི་བུད་མེད་ཕྲག་དོག་དང་། ཁྲོ་བ་རྣམ་པར་སྤོང་བར་འགྱུར་བ་དང་། སྐྱེ་བོ་ཐམས་ཅད་ལ་བཟོད་པར་འགྱུར་བ་དང་། བུ་རྙེད་པར་འགྱུར་བ་དང
174a4 ནད་ཉུང་བར་འགྱུར་བའོ། ། གཞན་དུ་ཡང་བུད་མེད་གང་བཟོད་པ་འདི་ཉན་པ་དེ་ལ་དད་པ་རྙེད་ཅིང་། ཆོས་སྨྲ་བ་ལ་ཕན་པར་ཟེར་བ་དེ་ནི་བུད་མེད་དུ་གྱུར་པའི་ཐ་མ་ཡིན་ཏེ། སྙིང་པོ་བྱང་ཆུབ
174a5 ཀྱི་བར་དུ་བུད་མེད་ཐོབ་པར་མི་འགྱུར་ཏེ། གཞན་དུ་ན་བདག་ཉིད་ཀྱིས་འདོད་པ་ནི་མ་གཏོགས་སོ།། གཞན་ཡང་ཡུལ་གང་དུ་བཟོད་པ་འདི་འཆད་པར་འགྱུར་བ་དག་ན་གཞན་གྱི་འཁོར་དང་། ནང་གི
174a6 འཁོར་གྱིས་ཡུལ་ལ་གནོད་པར་མི་འགྱུར་རོ། ། ཆར་མི་འབབ་པ་དང་། མུ་གེ་འབྱུང་བ་དང་། དུས་མ་ཡིན་པའི་རླུང་དང་། ཆར་དང་། གྲང་དྲོ་དང་། ཤ་སྦྲང་དང་། སྦྲང་བུ་མཆུ་སྤྱད་དང
174a7 སྦྲང་མ་དང་། བྱི་བ་དང་། འགྲོ་བ་ཁྲོ་བོ་དང་། སྦྲུལ་ཁྲོ་བོ་དང་། གཅན་གཟན་ཁྲོ་བོ་དང་། རོ་ཟོ་བ་མེད་པ་དང་། རྩུབ་པ་དང་སྲེ་མོ་དང་། མི་བདེ་བར་རེག་པ་དང་། བཟའ་བ་དང
iiif viewer powered by OpenSeadragon
