| e-texts navigator |
| Wylie |
173a1 འདོད་པར་འགྱུར་ཏེ། དེ་ཅིའི་ཕྱིར་ཞེ་ན། འདི་ལྟར་ཀླུ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། གནོད་སྦྱིན་གྱི་བདག་པོ་རྣམས་ཀྱིས་རབ་ཏུ་སྲུང་བར
173a2 འགྱུར་ཏེ། བཞིན་བཟངས་དག་དང་དེ་ལ་དེ་ལྟར་མཉམ་པ་མེད་དོ།། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། གནོད་སྦྱིན་གྱི་བདག་པོ་རྣམས་ཀྱིས་ཚིག་འཐུན་གསོལ་པ་དང
173a3 བཅོམ་ལྡན་འདས་དེ་ལྔ་ལགས་ཏེ། ཡུལ་གང་དུ་བརྗོད་དུ་བཟོད་པ་འདི་འཆད་པར་འགྱུར་བའི་ཡུལ་དེའི་རྒྱལ་པོར་འགྱུར་བ་དེའི་སླད་བཞིན་དུ་བདག་ཅག་འབྲང་ཞིང་གནོད་པ་ལས་བསྐྱབ་པར་བགྱིའོ།། བྲོ་ནད
173a4 ཞི་བར་བགྱིའོ། ། དེའི་ཚེ་བསྐྱང་བར་བགྱིའོ།། དེ་དགྲ་ལས་བསྐྱང་བར་བགྱིའོ།། དཔལ་དང་སྐལ་པ་བཟང་པོ་དང་། ཆོས་ལ་དགའ་བ་ཉེ་བར་བསྟན་པར་བགྱིའོ།། སྟོབས་དང་། རྩལ་ཐགས་ཐོགས
173a5 མ་མཆིས་པ་ཕུན་སུམ་ཚོགས་པར་བགྱིའོ། ། བཅོམ་ལྡན་འདས་ཀྱིས་བཀའ་སྩལ་པ། བཞིན་བཟངས་དག་ལེགས་སོ་ལེགས་སོ།། ཁྱེད་ཇི་སྐད་སྨྲས་པ་དེ་བཞིན་དུ་ཉམས་སུ་ལོངས་ཤིག།
173a6 དེ་ཅིའི་ཕྱིར་ཞེ་ན། འདི་ལྟར་ཆོས་དང་ལྡན་པའི་རྒྱལ་པོ་ཡུལ་གང་དུ་ཆོས་དང་ལྡན་པར་འགྱུར་བར་བདག་ཅག་མདངས་དང་། སྟོབས་དང་། གཟི་བརྗིད་དང་། འཁོར་འཕེལ་བར་འགྱུར་རོ།།
173a7 དེ་དག་གིས་གསོལ་པ། བཅོམ་ལྡན་འདས་དེ་དེ་ལྟ་ལགས་ཏེ། ཡུལ་གང་དུ་བཟོད་པ་འདི་རབ་ཏུ་འཆད་པར་འགྱུར་བའི་ཡུལ་དེརང་རྒྱལ་པོའི་ཞབས་འབྲིང་བ་དང་། བློན་པོ་རྣམས་ཀྱི་ཡོན་ཏན་དང
iiif viewer powered by OpenSeadragon
