| e-texts navigator |
| Wylie |
425b1 བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་རིག་སྔགས་འདི་དག་འདོན་པའི་བྱང་ཆུབ་སེམས་དཔས་གཙང་སྦྲ་བྱ་བ་དང་། ཤ་མི་བཟའ་བར་ཀུན་ཏུ་སྤྱད་པར་བྱའོ།། དེས་རྐང་པ
425b2 གཉིས་ཀྱང་མི་བསྐུའོ། ། འདུ་འཛིའི་ནང་ན་གནས་པར་མི་བྱའོ།། སེམས་ཅན་ཐམས་ཅད་ལའང་ཕྱི་ཕྱིར་ཞིང་བྱམས་པའི་སེམས་སུ་བྱའོ།། གང་དག་ལས་འཚེ་བ་འོང་བར་འགྱུར་བ་དེ་དག
425b3 ལ་སེམས་གདུག་པར་མི་བྱའོ། ། ཆོས་ཀྱི་རྣམ་གྲངས་འདིའང་གཙང་སྦྲ་མ་ཕྱེད་པས་ཁ་ཏོན་མི་བྱའོ།། ས་ཕྱོགས་མི་གཙང་བར་གཞག་པར་མི་བྱའོ།། འཇམ་དཔལ་གྱིས་གསོལ་པ
425b4 བཅོམ་ལྡན་འདས་བདག་ནི་འདི་སྙམ་བགྱིད་དེ། ཆོས་ཀྱི་རྣམ་གྲངས་འདི་སྟོན་པའི་བྱང་ཆུབ་སེམས་དཔས་བདག་གི་ལུས་དང་སྲོག་ལ་མི་བལྟ་བར་བགྱིའོ་སྙམ་དུ་སེམས་སོ།། བཅོམ་ལྡན་འདྲ།
425b5 ཀྱིས་བཀའ་སྩལ་པ། འཇམ་དཔལ་དེ་དེ་བཞིན་ནོ།། དེ་དེ་བཞིན་ཏེ། ཁྱོད་ཇི་སྐད་སྨྲ་བ་དེ་བཞིན་ནོ།། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་བཀའ
425b6 སྩལ་པ། ཆོས་ཀྱི་རྣམ་གྲངས་འདི་སྐྱེ་བོ་མང་པོའི་དོན་བྱེད་པར་འགྱུར་གྱིས། ཀུན་དགའ་བོ་ཁྱོད་ཀྱིས་ཟུང་ཞིག། ཀུན་དགའ་བོ་སེམས་ཅན་གང་ཆོས་ཀྱི་རྣམ་གྲངས་འདི་ལ་མོས
425b7 པ་དེ་དག་གླང་པོའི་རྩ་ལ་དང་། གླང་པོ་ཆེན་པོའི་རྩལ་གྱིས་གནོན་པར་འགྱུར། ཀུན་དགའ་བོ་གང་ཆོས་ཀྱི་རྣམ་གྲངས་འདི་ལ་མོས་པ་དེ་དག་སེང་གེའི་འགྲོས་དང་། ཁྱུ་མཆོག་གི་འགྲོས
iiif viewer powered by OpenSeadragon
