| e-texts navigator |
| Wylie |
423b1 ལྷས་བསྲུངས་པར་འགྱུར། ཀླུས་བསྲུངས་པར་འགྱུར། གནོད་སྦྱིན་གྱིས་བསྲུངས་པར་འགྱུར། སེམས་གཡེངས་པར་མི་འགྱུར། ཚེ་བརྗེས་ནས་ཀྱང་ཚེ་རབས་དྲན་པར་འགྱུར། མངོན་པར་ཤེས་པ་ལྔ་ཐོབ
423b2 པར་འགྱུར། ཚེ་བརྗེས་མ་ཐག་ཏུ་བྱང་ཆུབ་སེམས་དཔའ་བྱམས་པ་མཐོང་བར་འགྱུར། དེ་སྟེ་ཆོས་ཀྱི་རྣམ་གྲངས་འདི་སེམས་མི་གཡེང་བར་ཡིད་ལ་བྱེད་ཅིང་། གཉིད་ཀྱི་སྒོམ་པ་སེལ་ན། དེའི་རྨི་ལམ
423b3 དུ་སངས་རྒྱས་མཐོང་བར་འགྱུར་ཏེ། བྱང་ཆུབ་སེམས་དཔའ་བྱམས་པ་མཐོང་བའང་རེ་བར་བྱའོ།། དེ་ཆོས་ཀྱི་རྣམ་གྲངས་འདི་ལ་མོས་ན། རྗེས་སུ་མཐུན་པའི་ཆོས་རྣམས་ལ་བཟོད་པ་རེ་བར་བྱའོ།། ཆོས
423b4 ཀྱི་རྣམ་གྲངས་འདི་སེམས་ན། ཚེ་འདི་ཉིད་ལ་གནོད་སེམས་མེད་པར་རེ་བར་བྱའོ།། དུག་མྱུར་བའི་ནང་ན་འདུག་ནའང་ཆོས་ཀྱི་རྣམ་གྲངས་འདི་ཡིད་ལ་བྱེད་ན། འཇིགས་པ་མེད་པར་རེ་བར་བྱའོ།། སླར
423b5 རྒོལ་བ་ཚར་གཅད་པར་རེ་བར་བྱའོ། ། ཀུན་ཏུ་སྣང་བའི་ཏིང་ངེ་འཛིན་ཀྱང་ཐོབ་པར་རེ་བར་བྱའོ།། ཆོས་ཀྱི་རྣམ་གྲངས་འདི་རྟོགས་པར་བྱེད་པའི་ཚེ། ལས་ཀྱི་སྒྲིབ་པ་ཐམས་ཅད་བྱང་བར་རེ་བར་བྱའོ།།
423b6 ཆོས་ཀྱི་རྣམ་གྲངས་འདི་འཆད་པ་ན་ཡང་ཆོས་ཀྱི་སྒོ་བརྒྱ་སྟོང་དུ་མ་ཐོབ་པར་ཡང་རེ་བར་བྱའོ།། བྱང་ཆུབ་ཀྱི་སེམས་མི་བརྗེད་པ་དང་། མཐའ་ཡས་འཁྱིལ་བའི་གཟུངས་ཐོབ་པར་ཡང་རེ་བར་བྱའོ།། ཆོས
423b7 ཀྱི་རྣམ་གྲངས་འདི་ཡིད་ལ་བྱེད་པ་ན་ཡང་བདུད་ཀྱིས་བསྐོར་བ་མེད་པར་རེ་བར་བྱའོ། ། སངས་རྒྱས་མངོན་སུམ་དུ་བཞུགས་པར་ཡང་སྐྱེ་བར་རེ་བར་བྱའོ།། སྨོན་ལམ་ཐམས་ཅད་གྲུབ་པར་ཡང་རེ་བར་བྱའོ།།
iiif viewer powered by OpenSeadragon
