| e-texts navigator |
| Wylie |
407b1 བསོད་སྙོམས་ཁྱིམ་དང་བཅས་པར་སྤྱོད། ། དེ་དག་བསོད་སྙོམས་དེ་ཡི་འདུ་ཤེས་མེད།། བསོད་སྙོམས་སྤྱོད་པ་བདག་ཡིན་སྙམ་མི་སེམས།། གང་དག་བསོད་སྙོམས་འདུ་ཤེས་མེད་པ་དེ
407b2 དག་བདེ། ། གང་དག་བོར་བའི་ཕྱག་དར་ཁྲོད་པ་རྣམས།། བླངས་ནས་ལུས་ལ་འཆང་བར་བྱེད་པ་དག། བདག་ནི་གོས་ངན་སྙམ་དུ་དེ་མི་ཤེས།། གང་དག་གཞན་ལ་མི་སྨོད་དེ་དག་བདེ།།
407b3 སངས་རྒྱས་གནང་ཞིང་བདེ་གཤེགས་བསྔགས་པ་ཡི།། ཆོས་གོས་གསུམ་ལས་ལྷག་པར་མི་འཆང་ཞིང་།། བདག་ནི་འཇིགས་མེད་ཡིན་པར་མི་རྟོག་པ།། གང་དག་ང་རྒྱལ་མེད་པ་དེ་དག
407b4 བདེ། གང་ན་བདག་དང་སེམས་ཅན་ཡོད་མིན་པའི།། གང་དག་ཆོས་མཆོག་དམ་པ་འཆང་བྱེད་པ།། བདག་ནི་འཆང་མཁན་ཡིན་པར་སེམས་པའང་མེད།། གང་དག་མེད་པར་མ་གྱུར་དེ་དག
407b5 བདེ། དཀར་པོ་ཀུན་ལ་ཡང་དག་འདུ་ཤེས་མེད།། སྙིང་པོ་དང་ནི་རྫས་སུ་འདུ་ཤེས་མེད།། དཀར་དང་གནག་པར་གང་དག་མི་སེམས་པ།། དེ་དག་གཉིས་སུ་མི་སྤྱོད་དེ་དག་བདེ།། གང་དག
407b6 ལངས་ལས་ལངས་པར་འདུ་ཤེས་མེད། ། འདུག་ཀྱང་འདུག་པར་འདུ་ཤེས་ཡོད་མ་ཡིན།། ཉིན་མཚན་ཕྱེད་པར་འཆག་ཅིང་བརྩོན་འགྲུས་རྩོམ།། གང་དག་སྤྲོས་པ་མེད་པ་དེ་དག་བདེ།། གང
407b7 དག་གནས་མིན་གནས་པར་མི་རྟོག་ཅིང་། ། ཁྱད་པར་ཤེས་པ་ཞི་བར་མི་རྟོག་ལ།། དེ་བཞིན་གཤེགས་དང་མུ་སྟེགས་ཁྱད་པར་མེད།། གང་དག་མཆོག་ཏུ་རློམ་སེམས་མེད་པ་དེ་དག་བདེ།།
iiif viewer powered by OpenSeadragon
