| e-texts navigator |
| Wylie |
407a1 བར་མི་བྱེད་འདུག་པར་བྱེད་པའང་མེད། ། གང་དག་སྲོག་ཏུ་ལྟ་མེད་དེ་དག་བདེ།། སེམས་ཅན་ཐ་དད་མི་བྱེད་མཁས་པ་གང་།། ཆོས་ཀྱི་དབྱིངས་དང་འགལ་བར་མི
407a2 འགྱུར་ལ། ། གང་ཟག་འདུ་ཤེས་ཐམས་ཅད་རྣམ་པར་ཤིག། གང་དག་ཐ་དད་བློ་མེད་དེ་དག་བདེ།། གང་དག་སྦྱིན་དང་ཚུལ་ཁྲིམས་རྟག་ཏུ་གནས།། འཇུངས་པའི་བསམ་པར་ནམས་ཀྱང
407a3 མ་གྱུར་ཅིང་། ། གོང་བུའི་ཆོས་ལའང་ཡང་དག་མི་གནས་པ།། གང་དག་ཚུལ་ཁྲིམས་རློམ་མེད་དེ་དག་བདེ།། གང་དག་བཟོད་དང་ངེས་པའི་ཡོན་ཏན་འཕགས།། གང་དག་ཐལ་མོ་དག
407a4 ལའང་མི་ལྟ་ཞིང་། ། བརྩོན་འགྲུས་ལྡན་མིན་ལེ་ལོ་ཅན་ཡང་མིན།། གང་དག་བཟོད་པའི་འདུ་ཤེས་མེད་པ་དེ་དག་བདེ།། གང་དག་བསམ་གཏན་བྱེད་ཅིང་བརྟན་པར་མི་གནས་པ།།
407a5 དེ་ཡང་གཡེང་བར་རྣམ་པར་མི་སེམས་པ།། མཉམ་པར་བཞག་པའི་ཆོས་རྣམས་རབ་ཏུ་ཤེས།། གང་དག་བསམ་གཏན་འདུ་ཤེས་མེད་པ་དེ་དག་བདེ།། གང་དག་འདུ་ཤེས་མེད་ཅིང་འདི་ལ
407a6 ཤེས་རབ་མེད། ། མི་ཤེས་དབང་དུ་འགྲོ་བའང་མ་ཡིན་ལ།། མཁས་པའང་མ་ཡིན་རྨོངས་པའང་ཡོང་མ་ཡིན།། གང་དག་ཤེས་རབ་འདུ་ཤེས་མེད་པ་དེ་དག་བདེ།། ཇི་ལྟར་དགོན
407a7 པ་དེ་བཞིན་གྲོང་ན་གནས། ། གཉིས་ཀར་འདུ་ཤེས་མཚུངས་ཤིང་མཉམ་པར་འཇུག། གྲོང་གི་སྤྱོད་ཡུལ་སྨོད་པར་མི་བྱེད་ཅིང་།། གང་དག་དགོན་པར་མི་རློམ་དེ་དག་བདེ།། གང་དག
iiif viewer powered by OpenSeadragon
