| e-texts navigator |
| Wylie |
406b1 རབ་ཏུ་ཤེས་པ་དེ་དག་ནི་བདེ་བ་དང་ལྡན་པ་ཡིན་ནོ་སྙམ་དུ་སེམས་ལ་སེམས་ཀྱི་རྟོག་པ་དེ་ལྟ་བུ་སྐྱེས་སོ། ། དེ་ནས་བཅོམ་ལྡན་འདས་དགོངས་ཤིང་མཁྱེན་བཞིན་དུ་ཏིང་ངེ་འཛིན་དེ་ལས
406b2 བཞེངས་ཏེ་མགུར་བསལ་བའི་སྒྲ་ཕྱུང་ངོ་། ། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུ་བཅོམ་ལྡན་འདས་ཀྱི་མགུར་བསལ་བའི་སྒྲ་ཐོས་པ་དང་། དགའ་མགུ་ཡི་རངས་པར་གྱུར་ནས
406b3 བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་སྤྱན་སྔར་འདུག་སྟེ། བཅོམ་ལྡན་འདས་ལ་ཕྱག་འཚལ་ནས། ངོ་མཚར་དུ་གྱུར་ཏེ། དེའི་ཚེ་ཚིགས་སུ
406b4 བཅད་པ་འདི་དག་སྨྲས་སོ། ། སྟོང་པའི་ཆོས་ལ་ཇི་ལྟར་བདག་བཟོད་བཞིན།། གང་དག་སེམས་ཅན་ཡང་དག་མི་རྟོག་ཅིང་།། ཆོས་ལའང་ནམ་ཡང་རྟོག་པར་མི་བྱེད་པ།། འཇིག
406b5 རྟེན་ན་ནི་དེ་དག་མཉམ་པར་གཞག། སེམས་ཅན་འཁྲུལ་ལ་ནམས་ཀྱང་མི་བལྟ་ཞིང་།། ཆོས་རྣམས་ནམ་མཁའ་བཞིན་དུ་བསམས་བྱས་ནས།། གང་དག་སྒྱུ་མའི་ངོ་བོ་ཉིད་མོས
406b6 པ། གང་དག་བདག་ཏུ་ལྷ་མེད་དེ་དག་བདེ།། འདི་དག་སེམས་ཅན་ཡིན་ནམ་མ་ཡིན་ཞེས།། འདུ་ཤེས་ཐམས་ཅད་ལ་ནི་མི་དམིགས་པ།། སེམས་ཅན་ཀུན་ལ་འདུ་ཤེས
406b7 མེད་པ་དང་། ། གང་དག་སེམས་ཅན་ལྟ་མེད་དེ་དག་བདེ།། རིང་པོར་འདུ་ཤེས་རྣམས་ཀྱང་གང་མ་ཆགས།། ནམས་ཀྱང་དངོས་པོའི་འདུ་ཤེས་རྨོངས་པ་མེད།། ལྡང
iiif viewer powered by OpenSeadragon
