| e-texts navigator |
| Wylie |
406a1 འོད་ཟེར་བཅོམ་པ་དང་། སེམས་ཅན་གྱི་བསམ་པ་ངེས་པའི་དོན་གྱི་ཕ་རོལ་ཏུ་བགྲོད་པར་དོང་བ་དང་། རྡོ་རྗེ་ལྟ་བུར་བརྟན་པ་ཐོབ་པ་དང་། སྒྲར་རྗོད་པ་དང་། དབྱངས
406a2 དང་ང་རོ་ཐམས་ཅད་ལས་འདས་པ་དང་། ཚངས་པའི་སྒྲ་གཟི་བརྗིད་མངོན་པར་འཕགས་པ་དང་། གྲགས་པའི་སྒྲས་འཇིགས་པ་བཅོམ་པ་དང་། དགེ་བའི་རྩ་བ་རིན་པོ་ཆེ་ཐམས་ཅད
406a3 བསགས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་དང་། དེ་ལ་སོགས་པ་བྱང་ཆུབ་སེམས་དཔའ་དྲུག་ཁྲི་རྣམས་དང་ཐབས་ཅིག་གོ།
406a4 དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུ་ཕྱི་དྲོའི་དུས་ན་ནང་དུ་ཡང་དག་འཇོག་ལས་ལངས་ཏེ། བཅོམ་ལྡན་འདས་ག་ལ་བ་དེར་སོང་ངོ་།། ཡང་དེའི་ཚེ་བཅོམ་ལྡན་འདས་ཤིང་གཞན
406a5 ཞིག་གི་དྲུང་ན། རབ་ཏུ་ཞི་བ་སྒྲུབ་པ་ཞེས་བྱ་བའི་ཏིང་ངེ་འཛིན་ལ་མཉམ་པར་བཞག་སྟེ་བཞུགས་སོ།། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས་རྒྱང་རིང་པོ་ནས་བཅོམ་ལྡན་འདས་སྤྱོད
406a6 ལམ་རབ་ཏུ་ཞི་བ་མཐོང་བ་དང་། མྱུར་དུ་རྩ་བ་བསྡུས་ནས་ཕྱོགས་གཅིག་ཏུ་སྐྱིལ་མོ་ཀྲུང་བཅས་ལུས་བསྲང་སྟེ། དྲན་པ་མངོན་དུ་བྱས་ནས་འདུག་གོ།། དེ་དེར་འདུག་མ་ཐག་ཏུ། ཨོཾ་མདོ
406a7 དེ་བཞིན་གཤེགས་པའི་སྤྱོད་པ་རབ་ཏུ་ཞི་བ་འདི་དང་། བདེ་བ་དང་ཡིད་བདེ་བ་འདི་ངོ་མཚར་ཏོ།། སེམས་ཅན་གང་དག་ཆོས་ཐམས་ཅད་རང་བཞིན་གྱིས་མཉམ་པར་བཞག་པར
iiif viewer powered by OpenSeadragon
